Ikaslea Naiz

Prestakuntza dualaren abantailak ikasleentzat

Mondragon Unibertsitatean, Mondragon Duala programaren bidez, lan ingurune profesional batean trebatzeko aukera ematen diegu gure ikasleei, ekintza-gaitasun teknikoak eta zeharkakoak garatu ditzaten. Aldi berean, prestakuntza-esperientzia profesional batean parte hartzeko aukera dute. Ikasleek ikasketak lanbide-jarduerarekin uztar ditzakete. Orain arte, ikasketak eta lana txandaka egitea esaten zitzaion; hemendik aurrera unibertsitate-prestakuntza dualaren kontzeptu berrian sartzen da.

Horrela, ikasketak finantzatzeko laguntza-poltsa eskuratzeaz gain, ikasleek laneko gaitasunetan trebatzeko prestakuntza osagarria jasotzen dute; hau da, prestakuntza-esperientzia profesionala.

Azken finean, prestakuntza dualak:

Diruz laguntzen du ikasleen prestakuntza akademikoa.
Lanaren eta ikasleek izango duten lanbidearen benetako ikuspegia ematen du
Auto-antolamendua eta diziplina gehiago eskatzen die, emaitza akademikoak hobetzen laguntzen die.
Ikasleen enpleagarritasuna hobetzen du, gaitasun profesionalak eta zeharkakoak eskuratu eta garatzen baitituzte.