EU4DUAL

Zer da EU4DUAL?

EU4DUAL Ikasketa Dualen Europako Unibertsitatea da Mondragon Unibertsitateak lideratzen duena. Aliantza horren helburua Europako goi-mailako hezkuntzaren kalitatea eta lehiakortasuna hobetzea da, erronka globalak ebazteko prestakuntza duala erabiliz. Aliantzak jakintza sortzen du etorkizun iraunkorragoari eta gizartearen eta enpresen garapen arduratsuari nola lagundu jakiteko, eta, horretarako, hainbat gai lantzen ditu, hala nola industria 5.0, zahartze osasungarria eta ekonomia berdea. EU4DUALek, gainera, unibertsitate dualak eskaintzen dituen programa gehienetan gutxienez erakundeko bi kideren ikerketa-, irakaskuntza- edo praktika-elementuak sartzen direla bermatu nahi du.  Era berean, mikrokredentzialez osatutako atari bateratu bat jarriko da abian, erronka handiei lotutako etengabeko prestakuntza profesionala eskainiko duena, eta, horrekin batera, helburuak lortzen laguntzen duten proiektuak batera ikertzeko ekosistema bat. Azkenik, nazioz gaindiko lanean oinarritutako ikasketa-programa bat sortzen ari da, tokiko enpresen eta enpresa globalen laguntzarekin.