Praktikak eta master bukaerako lana

Praktikak eta Master Amaierako Lana

"Ikasi ahala enpresa baten sare sozialak kudeatu ahal izango dituzu, edo publizitate digitaleko kanpainak egin, edo marketin digitalerako plan bat jorratu"

Mondragon Unibertsitatekoon ustetan, praktika da ikaskuntzaren gakoa. Hori dela eta, hainbat enpresarekin lankidetzan aritzeko aukera izango duzu Marketin Digitaleko Masterra egiten ari zarela eta gaiaren alorreko prestakuntza jasoko duzu, proposatuko dizkizuten erronka errealei irtenbidea emanez. Gainera, enpresetan —Euskaltel, Orbea, LIN3S, Eroski…— praktikak eta Master Amaierako Lana (MAL) egiten emango duzu masterraren herena (20 ECTS).

Masterrean ikasketak eta lana uztatzea erabakitzen baduzu, eskoletan ikasitakoa ingurune errealetan aplikatzeaz gain, lan-esperientzia eskuratu ahal izango duzu, hainbat enpresaren marketin-estrategiak gauzatuz, onlineko kanpainak diseinatuz edo Interneteko komunikazioa kudeatuz.  

Uztartu ikasketak eta lana

Mondragon Unibertsitatean, erronka errealei erantzunez ikasiko duzu, praktikan oinarritutako hezkuntza-ereduari esker. Enpresak proiektu praktiko bat proposatuko dizu, eta zuk ikertu, aztertu eta ebatzi egin beharko duzu.

Era berean, enpresa bateko langile-taldean sartu ahal izango zara hasieratik, eta, horrela, esperientzia eskuratuko duzu, eta eskoletan ikasitako guztia ingurune errealetan aplikatu. Gainera, masterrak finantzatzeko aukera ere emango dizu horrek.

Irene Santos
Marketin Digitaleko Masterra / Gaur egun Rastreator enpresan

“Prestakuntza praktikoaren alde egiten duelako erabaki nuen Mondragon Unibertsitatearen Marketin Digitaleko Masterra egitea. Ikasturte-hasieratik sartu nintzen enpresa batean praktikak egiten, eta marketin-departamentu baten egunerokoari egin behar izan nion aurre. Praktiketan, sektoreko profesionalek emandako eskoletara joan nintzen: egiten duten lanaren berri eman ziguten. Azkenean, enpresek bilatzen duten marketin digitaleko profesionala bihurtu nintzen masterrean”.

María Sampedro
Marketin Digitaleko Masterra / Gaur egun Merkatu enpresan

“Masterra ez da mugatzen hainbat tresna irakastera, benetako marketin-estrategiak garatzen lagunduko dizuten gaitasunak ere ematen ditu. Eta, nire ustez, horixe balioesten dute enpresek gehien. Zalantzarik gabe, aukera-sorta handia eskaintzen dizun diziplina anitzeko profilarekin ateratzen zara lan-merkatura. Nire kasuan, masterraren praktikak egin nituen lekuan kontratatu ninduten, eta hantxe gauzatzen dut, gaur egun, nire lanbide-jarduera”.