News

Debagoieneko emakumeen enplegagarritasuna eta digitalizazioa uztartzeko jardunaldia egingo dute Aretxabaletan ekainaren 20an

‘EDE-Klik morea: Debagoieneko emakumeen enpleagarritasuna sustatzeko tresna’ jardunaldia ekainaren 20an egingo da Aretxabaletan, goizez. Debagoiena eskualdean konpetentzia digitalak enpleguari lotuta sortzen duen genero arrakala ikertu eta honi erantzuteko ekosistema digitala sortu du Mondragon Unibertsitateko Humanitate eta Hezkuntza Zientzien Fakultateak Gipuzkoako Foru Aldundiaren eta Debagoieneko zenbait eragileren laguntzarekin.

---

Izen-ematea: ‘EDE-Klik morea: Debagoieneko emakumeen enpleagarritasuna sustatzeko tresna’ 

 

Ekainaren 20an, ‘EDE-Klik morea: Debagoieneko emakumeen enpleagarritasuna sustatzeko tresna’ jardunaldia egingo du Mondragon Unibertsitateko Humanitate eta Hezkuntza Zientzien Fakultateak. Fakultateko STEM eta Digitalizazio taldeko ikertzaileek Debagoienean konpetentzia digitalak enpleguari lotuta sortzen duen genero arrakala ikertu eta honi erantzuteko ekosistema digitala sortu du Gipuzkoako Foru Aldundiaren eta Debagoieneko zenbait eragileren laguntzarekin; jardunaldiaren asmo nagusia da tresna hori jendaurrean aurkeztea eta gaiari buruzko beste gogoeta batzuk jasotzeko tartea hartzea.

 

Gipuzkoako Foru Aldundiko kalitatezko enplegua sustatzeko 2024ko deialdiaren barruan, Mondragon Unibertsitateko Humanitate eta Zientzien Fakultateko STEM eta Digitalizazio taldeak emakumeen enpleagarritasuna hobetzea helburu duen ekosistema digital bat diseinatu du, EMUN eta GoiSolutions bidelagun hartuta.

 

Digitalizazioak genero arrakalak areagotzeko orduan duen inpaktua ikertu ondoren, honetan eragiteko ekosistema digital, doako, erabiltzen erraza eta pertsonalizatua diseinatzeko apustua egin da. Azkeneko hilabetetan zehar, konpetentzia  digitalak garatzeko Lanbidek, KZ guneneek, Bastida Akademiak eta Miguel Altuna zentroak eskaintzen dituzten formakuntzak identifikatu eta ibilbide pertsonalizatuak eraikitzeko moduan klasifikatu dira. Informazio guzti honekin ekosistema digital bat sortu du taldeak. Ekainaren 20ko jardunaldia proiektuari itxiera emateko baliatuko da.

 

Egitaraua

 

09:00 - 09:10 Ongi etorria

09:10 - 10:00 Proiektuaren aurkezpena

10:00 - 11:00 Mahai-ingurua:

Nagore Ipiña, Mondragon Unibertsitateko Humanitate eta Hezkuntza Zientzien Fakultateko dekanoa

Olaia Gerrikabeitia eta Zuriñe Galartza, Debagoieneko Mankomunitateko lan orientatzaileak

Leire Arregi Vicente, oinarrizko digitalizazioan hezitzailea

Sonia Etxenausia, Emun-eko aholkularia berdintasun eta genero gaietan

María del Mar, erabiltzailea

Xabier Arnaiz, Bastida Akademia

Loreto Susperregi, Gipuzkoako Foru Aldundiko Berrikuntza Zuzendaritzako zerbitzu-burua 

11:00 Itxiera eta kafea