Ikerketa eta Transferentzia taldeak

Ekonomia zirkularrera trantsizio jasangarria ahalbidetzeko Euskadiko, Espainiako eta Europako industriekin, negozio enpresekin eta erakunde publikoekin gertutik lan egiten duen ikerketa-talde dinamikoa da.

Ikerketa-taldearen helburu nagusia enpresei beraien baliabideen eraginkortasuna eta errendimendu ekonomikoa hobetzen laguntzea da, ingurumena eta gizartea kaltetu gabe. Gure ustez hau da ekonomia zirkularra eta jasangarria lortzeko modu zuzen bakarra. Hori dela eta, esperientzia diziplina-anitza ekartzen diegu gure ikerketa proiektuei, pentsamendu sistemikoa aplikatuz. 

Ikerketa taldean, diseinu-industriala, ingeniaritza-industriala ingurune- eta gizarte-zientziak eta enpresa kudeaketa eremuetan adituak diren pertsonak ditugu. Beraz, proiektu industrialen ziklo berritzaile guztiari aurre egiteko moduan gaude, produktuaren eta teknologiaren ideia edo kontzeptutik, froga pilotuetara, emaitzen egiaztapenera eta azkenik inplementaziora eta areagotzera, negozioaren garapena barne. Betiere, ikuspuntu zirkular eta jasangarri batetik, aldaketa positiboak ahalbidetzeko, baliabideak modu eraginkorrean erabiltzen, karbono dioxido igorpenak murrizten dituzten eta produkzio eta kontsumo jasangarria duten sistemetarantz.

Ikerketa taldearen helburua Euskadiko eta Espainiako bikaintasun talde aktibo eta garrantzitsu bihurtzea da. ekonomia zirkularraren eta garapen jasangarriaren alorrean garrantzia duten I+G proiektuak abiaraziz. Hori dela eta, gure ikerkuntza jarduera RIS3 Euskadi eta HORIZON Europe estrategietako agendetan zehaztutako erronkei aurre egitera bideratuta dago.

Zehatzago, ikerketa taldeak balioa eman ahalko die industria-proiektuei honako jarduera hauek garatuz:

• Bizi zikloaren analisia (BZA), Bizi-zikloaren kostua (BZK) eta Bizi-zikloaren azterketa soziala (BZA-S).
• Teknologia-produkzio garbiagoen eko-diseinua.
• Produktuen diseinu zirkularra eta zerbitizazioa.
• Produkzio- eta kontsumo-sistemen ko-eraginkortasuna eta eko-efizientzia.
• Produktuen eta teknologien bizi-itxaropena luzatzeko tresnen eta tekniken garapena eta aplikazioa (berrerabiltzea, konpontzea, berriztatzea, berriro ekoiztea).
• Negozio eredu zirkularraren eta jasangarriaren berrikuntza bultzatzeko metodologien eta tresnen garapena eta aplikazioa.
• Zirkulartasun eta jasangarritasun adierazleak definitzea eta kalkulatzea.

PROIEKTU AZPIMARRAGARRIAK 

 

Lan eta doktoretza eskaintzak

Ezagutu Mondragon Unibertsitateko lan eta tesi eskaintzak, agian zure intereseko posturen bat dugu.