Ikas-irakas prozesua

Metodologia

Ikaskuntza-irakaskuntza prozesuaren antolaketa Mondragon Unibertsitatearen Mendeberri 2025 hezkuntza-ereduko printzipioetan oinarritzen da:

• Metodologia aktiboen inplementazioa
• Diziplinartekotasuna
• Konpetentzien garapenarekin bat datozen ebaluazio-sistemen diseinua
• Ikaslearen rol protagonista
• Ikaskuntza pertsonalizatua
• Digitalizazioa

Esparru horretan, egoera profesional errealetako arazo, kasu, erronka eta proiektuetan oinarrituriko ikaskuntza-metodologiak planteatzen dira. Horretaz gainera, ikasleek beren konpetentzien garapenaz hausnartzea sustatzen da, eta irakasleek haien garapen profesional eta pertsonalaren jarraipena egiten dute.

Masterra online-modalitatean eskaintzen da, eta badago aukera Euskal Herrian 15-20 eguneko egonaldi bat egiteko, Mondragonen esperientzia kooperatiboa lehen eskutik ezagutzeko. Online-modalitateari esker, ikasleek malgutasun handiagoa izango dute ikaskuntza-prozesuan, eta berek erabakiko dute noiz eta zer erritmotan lan egin programaren barruan.