Instalazioak eta baliabideak
Instalazioak eta baliabideak
Mondragon Unibertsitateko Goi Eskola Politeknikoak kudeatzen du Hernaniko (Donostialdea) Galarreta campusean ematen den Ekoteknologien Ingeniaritza Gradua.
Galarreta Campusa (EKO CAMPUS Galarreta)
Galarretako EKO Campusa Hernanin kokatuta dago. Berrikuntzaren ekosistema da campusa, non ezagutza (Mondragon Unibertsitatea), enpresa (Orona) eta ikerketa (Ikerlan) elkarlanean aritzen diren berrikuntzarako sinergia-sare bat sortzeko. Goi Eskola Politeknikoak, teknologia eta ingurugiroa uztartuz, etorkizun iraunkorra lortzea du helburu. Horretarako, garapen jasangarria oinarri eta ardatz hartuta, teknologia jakintzak barneratu eta, aldi berean, ingurumenaz arduratzen diren pertsona profilak garatzen ditu.
2 gradu eta 3 unibertsitate master eskaintzen dira EKO Campusean.
Ondoen hornitutako laborategiak eta tailerrak
Diseinu guztiz funtzionala du Galarretako Campusak, eta zenbait instalazio ditu: irakaskuntza- eta ikerkuntza-laborategiak, proiektu-gelak, ikasgelak eta liburutegia, besteak beste.
Gure laborategietan, erabilgarri izango dituzu fisika, kimika, fluidoak, elektrizitatea eta teknologia irakasgaietako praktikak egiteko behar duzun materiala eta ekipamendua. Gradu-bukaerako lanak egiteko ere erabil ditzakezu, bai eta trebakuntza dualean ere, non ikasketak eta lana uztartuko baitituzu.
Hona hemen erabilgarri izango dituzun laborategi eta ikerketa-ekipamenduetako batzuk:
Fabrikazio aditiboko laborategia
Zenbait teknologiatan oinarritutako 3d inprimagailuen bidez, egiten dituzun proiektuetako piezak eta maketak inprima ditzakezu.
Material-laborategia
Zenbait saiakuntza-makinaz hornitua dago (mikroskopio optikoak eta elektronikoak, besteak beste), materialen egitura aztertu eta haien propietateak uler ditzazun.
Mekanizazio-laborategia
Puntako ekipamendu teknologikoz hornitua (fresatzeko makinak, zerrak, tornuak eta era guztietako tresna konbentzionalak).
Automatizazioa eta kontrola
Kontrol-automatismoak diseinatu, muntatu, programatu eta/edo martxan jartzeko.
Prototipo-lantegia
Zure proiektuetan aurkeztu behar dituzun prototipoak fabrikatu, doitu eta baliozkotzeko lantegia, non 3D inprimaketa eta beste fabrikazio-teknologia batzuk erabiltzen baitira.
Bizi Unibertsitatea
Mondragon Unibertsitatean, oro har, eta Goi Eskola Politeknikoko campusetan, instalaziorik modernoenekin bizi dugu kirola, kultura eta entretenimendua. Unibertsitatea, gainera, oso inplikatuta dago ingurunearekin, eta ikasleek gizarte osoari zuzendutako gero eta jarduera gehiago antolatzen dituzte: azokak, aldizkaria, lehiaketak, Literatura Astea eta abar.
Gainera, PBL Day eguna antolatzen dugu urtero. Egun horretan, ikasturtean garatutako proiektu guztiak jartzen dira ikusgai, eta onenak 1.000 euroko saria lortzen du. Halaber, jornadas NIZuGu MUgituz jardunaldietan parte hartu ahal izango duzu. Jardunaldi horien bidez, garapen jasangarrian, berdintasunean eta balioetan prestatu nahi zaituztegu.
Jarduera horiek guztiak, halaber, hezkuntza-proiektuaren parte dira, eta gure ikasleen bizi-kalitatea hobetzea dute helburu. Mondragon Unibertsitatean, bizitzen ere ikasten da.
Zerbitzuak
- Idazkaritza birtuala: izapide guztiak online egin ahal izan ditzazun.
- Biblioteka: Liburuak, aldizkariak, bideoak, ikasketa-gelak.
- Kirol-zerbitzua: Gimnasioa, irteerak, ikastaroak eta lehiaketak.
- Jantokia: Gosariak, pintxoak, ogitartekoak, eguneko menua.
- KoNet:: Kontsultatu zure notak eta askoz gehiago zure mugikorretik.
- Campus birtuala: Ikasturtean laguntzeko e-learningeko plataforma.
- Desgaitasuna duten ikasleentzako zerbitzuak: Laguntzako langileak, ikasketen egokitzapena.
- Irakaskuntzarako laguntza: orientazioa, fotokopiak, ordenagailuak…
Unibertsitateko zerbitzu guztiak
Hezkuntza Behar Bereziak
Ezintasunen bat duten ikasleek, ezintasun horregatik hezkuntza behar bereziak badituzte, aholkularitzako kabinete baten laguntza izango dute, egin daitezkeen egokitzapen kurrikularrak edo ibilbide edo ikasketa alternatiboak ebaluatzeko. Kabinete hori honela osatuta dago:
- Erakundeko enpresa medikua.
- Lan arriskuen prebentzioko teknikaria.
- Lan arriskuen prebentzio eta ingurumeneko zuzendaria.
- Titulu koordinatzailea.
- Zerbitzu akademikoetako AZPko teknikari bat.
ARRETA PSIKOLOGIKORAKO ZERBITZUA
Laguntza psikologikoa ematen duen zerbitzu bat da, prebentziozkoa eta gure ikasleen ongizate bio-psiko-soziala bermatzeko helburua du.
MGEPeko ikasle guztiei zuzenduta dago eta psikologia eta psikoterapiako kolegiatuak ematen du arreta.
Banakako arreta psikologikoa (5+5 saio) eta Garapen osasungarrira bideratutako tailerrak eta esperientziak eskaintzen dira.
Zerbitzua doakoa da.