Lan irteerak
Lan irteerak
"Euskadiko sektorerik estrategikoenetako batean egingo duzu lan"
Energiaren Ingeniaritzako Graduan eskuratuko dituzun ezagutza eta gaitasunei esker, enpresentzako balio handiko lan ugari egin ahalko dituzu. Hona hemen prestatuta egongo zaren lan horietako batzuk:
Profil profesionalak
Instalazio elektrikoak diseinatzea
Energiaren sorkuntza-, garraio-, banaketa- eta kontsumo-arloan ekipamenduak eta instalazioak aztertu, diseinatu, mantendu eta integratzea.
Energia-zentralak eta -sareak kudeatzea eta haien mantentze-lanak egitea
Energia-zentralak eta-sareak ikuskatzea eta mantentzea, batez ere energia berriztagarrien arlokoak.
Enpresa eta erakundeetako energia-arloa koordinatzea
Energia-kontsumo handia duten erakundeak eta enpresak kudeatu eta antolatuko dituzu, haien energia-eraginkortasuna hobetzeko.
Energia-zerbitzuak salerostea
Behar bezala komunikatuko zara energia-produktu eta -zerbitzuen nazioarteko hornitzaileekin.
Berrikuntza kudeatzea
Energia-produktu berriak merkaturatzeko joerak aztertuz eta aukera berriak detektatuz.
Produktuak ikuskatzea eta ziurtatzea
Produktu, zerbitzu eta prozesuen azterketak egin eta energia-ziurtagiriak eman ahalko dituzu.
Proiektuak eta langileak kudeatzea
Energiarekin lotura duten atazak kudeatu, koordinatu, diseinatu eta planifikatu ahalko dituzu, eta lantalde osoa gidatu.
Sektoreak
Edozein prozesu produktibo edo industrialek nahitaezko lehengaia duenez energia, Energiaren Ingeniaritzako Graduko praktikako lan-metodologiak gaitasunez hornituko zaitu sektore ugaritan energia lantzeko:
Automobilgintza
Auto elektrikoak eta hibridoak higiarazteko behar den energia sortu, biltegiratu eta banatzeko prozesuetan jardungo zara.
Industria eta makina-erreminta
Elikadura-sistemak garatuko dituzu, ekoizpenak energia-eraginkortasun handiagoa izan dezan.
I+g+b-ko departamentuak
Energiaren sorkuntza, biltegiratze eta banaketarekin lotura duten teknologiak aztertu, diseinatu eta garatuko dituzu energia berriztagarrien sektorean.
Energia-ingeniaritzak
Goi-mailako energia-ingeniaritzako proiektuak planifikatzen, kudeatzen eta ezartzen dituzten enpresak.
Energia-ekoizpena
Energia ekoizteko zenbait eratako instalazioetako ekoizpen-, biltegiratze- eta banaketa-sareak ikuskatzen eta mantentzen lan egin dezakezu.
Gasteizko auzo adimenduna
Etxebizitzetako, auzoetako eta hirietako energia eredua poliki-poliki aldatzen ari da eta Mondragon Unibertsitateak aktiboki hartzen du parte hainbat proba pilotutan. Horietako bat Gasteizko Koroatze auzoaren eraldaketa izan da. C02 gabeko hiri adimendunen estrategiarekin bat eginik Europako SmartenCity proiektuak auzoko 300 etxebizitza baino gehiago terminoki isolatu ditu, geotermia zentral bat instalatu da, energia kontsumoa kontrolatzeko monitorizazio sistema sortu da eta autobus elektrikoaren linea ere txertatu da. Auzo baten energia ereduaren eraldaketan Energiaren Ingeniariek alor desberdinetako ekarpenak egin ditzakete eta Mondragon Unibertsitatea buru belarri sartuta dago horrelako berrikuntza proiektu errealetan.
Itsasoak zein aukera ematen dituen energiaren ikuspegitik
Markel Peñala irakasleak Teknopolis saio honetan azaltzen du itsasoak zein aukera ematen dituen energiaren ikuspegitik, eta adierazten du baita ere euskal industriak zein aukera dituen itsas energiaren sektoreko abangoardian egoteko. Markel Mondragon Unibertsitateko irakasle eta ikerlaria da eta hainbat enpresa eta erakunderekin lanean ikerketa eta transferentzia proiektuak egiten ditu energia eolikoaren inguruan.