Ikas-irakas prozesua
Proiektu errealetan oinarritutako ikaskuntza Industria antolakuntzako ingeniaritzarako
Industria Antolakuntzako Ingeniaritzako Graduan, era praktikoan eskuratuko dituzu beharrezkoak diren ezagutzak. Izan ere, enpresa erreal batean egongo bazina bezala, zure lantaldearekin egin beharreko hainbat proiektu planteatuko dizkizute seihileko bakoitzean.
Beharrezkoak diren ezagutza teorikoak eskuratu ondoren, industria-enpresa bateko antolakuntza-prozesuak optimizatzeko soluzioak aurkitzera edota instalazio baten produktibitatea handiagotuko duten produktuak eta zerbitzuak hobetzeko estrategia bat ezartzera bideratutako erronka errealei egin beharko diezu aurre.
2. ikasturtean, produkzio-instalazio baten banaketa eta barne-logistika zehazteko erronka proposatuko dizute. Biltegiak, produkzio-prozesuak eta produktuen barne-kudeaketa zehaztu eta dimentsionatuko dituzu. Erronkari aurre egiteko garaian, ingurumen-irizpideak, segurtasun-irizpideak eta pertsonen kudeaketari lotutakoak hartu beharko dituzu kontuan.
3. ikasturtean planteatuko dizuten proiektuan, enpresa baten nazioartekotze-proiektua simulatu eta kudeatuko duzu. Horretarako, enpresaren eguneroko jarduna, aliantzak eta abar ezagutu beharko dituzu. Enpresa-estrategia horiek eta jomuga-herrialdearen ezaugarriak kontuan hartuta, enpresari merkatu horretan lehiakorra izatea ahalbidetuko dion banaketa-sare egokia zehaztuko duzu.
Proiektu horien eta beste batzuen bidez, taldean lan egiteko beharrezkoak diren trebetasunak garatuko dituzu, baina, batez ere, industria-sektoreko enpresek gehien baloratzen dituzten konpetentziak eskuratuko dituzu, hala nola arazoei soluzio kreatiboak emateko gaitasuna edukitzea eta ekiteko joera eta kudeaketa-gaitasuna duen pertsona arduratsua izatea.
Proiektuetan oinarritutako ikaskuntzaren abantailak
IZAN ZAITEZ ZURE IKASKUNTZAREN PROTAGONISTA
Beharrezkoa den informazioa bilatzen, laburbiltzen eta zure ezagutzak handitzeko beharrezkoak diren datuak zureganatzen ikasiko duzu.
PROIEKTU GUZTIZ ERREALAK
Zure etorkizuneko lanbidearen errealitatea ezagutuko duzu, eta hainbat sektoretako enpresekin lan egingo duzu, eskuz esku.
Project Manager
Durante todo el Grado contarás con la ayuda de un profesional que ayudará en la resolución del reto o problema
Emaitzak lortzen ditugu
Ezagutza-mailarik handiena jasoko duzu, eta proiektu errealetan aplikatzen jakingo duzu.
Formakuntza esperientziak
