Helburuak eta konpetentziak

"Baliatu marketin digitalaren plataformak eta tresnak, bezeroak erakartzeko eta salmentak handitzeko"

Aurrerapenik bizkorrena duten diziplinen artean dago Marketin Digitala, abiadura handiz ari baita aldatzen eta eraldatzen. Hori dela eta, marketin digitalaren teknikak menderatzeko behar diren trebetasunak eskuratuko dituzu master honetan, eta aukerak antzemateko eta beti sektoreko gainerako profesionalak baino urrats bat aurrerago joateko gaitasuna ere bai.

Behar horri erantzuteko diseinatu dute profesional handiek Marketin Digitaleko Masterraren programa, eta, modu praktikoan, marketin digitalaren teknikarik aurreratuenak irakatsiko dizkizute.

Taldeak gidatzea

Proiektu errentagarriak gidatzeko beharrezko gaitasunak lortuko dituzu, bai eta marketin digitalaren alorreko lantaldeak motibatzeko eta koordinatzeko ere.

Proaktibotasuna

Ingurune aldakor honetan, edozein arazori azkartasunez irtenbiderik eraginkorrena bilatzen ikasiko duzu.

Analisi kritikoa

Gaitasuna edukiko duzu informazioa irizpide objektiboz ikertzeko eta hartan sakontzeko, erronka bakoitzari irtenbiderik egokiena emateko.

Tresnak menderatzea

Marketin digitaleko tresnarik nabarmenenak menderatuko dituzu, eta horietako bakoitzak marketin-estrategiarako eskaintzen dizun onena baliatzen jakingo duzu.

Etengabeko ikaskuntza

Marketin digitalaren alorreko metodologiak, teknikak eta tresnak etengabe aldatzen dira, eta, ondorioz, jakin egin behar duzu zure estrategiak horiek eskaintzen dituzten aukera berrietara egokitzen.

Proiektuen kudeaketa

Gai izango zara bezeroak emandako helburuak lortzeko behar duzun marketin digitaleko estrategia diseinatu, garatu eta abian jartzeko.

Aukerak identifikatzea

Merkatu, sektore eta plataforma digitaletako aukerak identifikatzen jakingo duzu, zure enpresari lehiakortasun handiagoa emateko.

Kanpainak planifikatzea

Gauza izango zara hainbat plataforma eta hartzailetara bideratutako onlineko marketin-kanpainak planifikatu eta kudeatzeko, eta horien kostuak nahiz errentagarritasunak zehazteko.

Bihurketa handitzea

Gaitasuna izango duzu bezero gehiago erakarri eta enpresaren salmentak areagotzeko, bihurketa aztertzearen eta optimizatzearen bidez.

Emaitzak aztertzea

Web-analisirako tresnak erabiltzen ikasiko duzu, kanpainak planifikatu eta kanpainen eta negozio digitalen emaitza maximizatzeko.