Zerk bereizten gaituen
IKASKETA PRAKTIKOA
Gure eskaintza akademikoak inguruneko enpresen behar teknikoei erantzuten die. Ikasleek Mondragon Unibertsitateko Goi Eskola Politeknikoan ikasten dutena oinarri gisa hartuta, lan ingurunean agertzen diren egoera errealen edo antzekoen gainean lan egiteko aukera eskaitzen du.
Ikaste-prozesu praktiko horren oinarria, ekipamenduak, instalazioak eta laborategiak... ezagutzea da, eta kasu askotan lanpostuan aurkituko dituztenen berdinak izaten dira.
Ondorioz, ikasleen artean motibazio maila altua lortzen dugu.
INSTALAZIOAK ETA LABORATEGIAK
Informatika, elektronika eta mekanikako laborategiak dauzkagu, eskaintzen ditugun titulazioei erantzuteko.
Laborategi horiek goi-mailako graduko prestakuntza zikloetan zein eskolaren beste jarduera batzuetan erabiltzen dira, hala nola ingeniaritzan eta ikerkuntzan. Horregatik, ekipamendu eguneratuak eta maila handikoak dauzkagu.
IKASLEENGANDIK HURBIL
Ikasleen prestakuntzaren oinarrietako bat irakasleak ikasketa prozesuan inplikatzen direla da.
- Jarraipena eta lankidetza ikasketa praktikoan zehar.
- Ekimena sustatzea eta lanaren esparruan agertu daitezkeen arazoak esperientziaren bitartez konpontzen laguntzea.
- Maila tekniko handia eta prestakuntza praktikora egokitua.
- Irakasleen prestasuna eta harremana.
ENPRESAK ETA LAN ARLOA
Prestakuntzan zehar, ikasleek harreman zuzena dute enpresekin eta, hori dela eta, jardunaldiak egiten dira enpresetan, produkzio plantak bisitatzen dira… eta ikasketen amaieran lantokiko prestakuntza egiten da, titulazioari zuzenean lotutako postuetan.
Ikasleen mugikortasuna bultzatzen du, Euskal Autonomia Erkidegoan, estatuan (Girona, Madril, Nafarroa…), eta atzerrian, Erasmus programaren bitartez.
Mondragon Goi Eskola Politeknikoaren betiko ezaugarria izan da ikasketa-lana prestakuntza duala bultzatu dugula. Gaur egun, Hezibi programaren bidez (Eusko Jaurlaritzak sustatuta) eta Alecopen bidez egiten dugu.
Gure tituludunen soslaiaren ezaugarriak dira maila tekniko handia, jarrera profesional aktiboa eta enpresa arloko ezagutzak. Eta emaitza ezin hobea lortzen dugu, profesional kualifikatuekin, eta oso langabezi tasa txikiarekin.