Praktikak eta Gradu Bukaerako Lana
PRAKTIKAK ETA GRADU BUKAERAKO LANA
Eskuratu lan-esperientzia ikasi bitartean
Humanitate Digital Globalak graduko (HDG) bigarren ikasturtetik aurrera, praktikak eta Gradu Bukaerako Lana (GBL) egiteko aukera izango duzu, inguruko erakunde edo enpresetan nahiz (GBLaren kasuan) atzerrian.
Alde batetik, esperientzia horien bitartez, ikasgelan jasotako guztia inguru errealean aplikatu ahal izango duzu eta, bestetik, profesional gisa eskarmentua hartzen joango zara. Unibertsitateko nahiz enpresako tutoreak izango dituzu gidari praktikaldietan nahiz GBLan.
EKAITZ HURTADO
Humanitate Digital Globalak graduko (HDG) ikaslea. Praktikak UNRWA erakundean egin ditu.
“Horrelako erakunde batean lanean ikusten dut nire burua. Uste dut erakundeak eta praktika hauek lotura handia dutela graduarekin, bietan ere babes global nahiz soziala ematen baitiegu errefuxiatuei eta pertsonei, orokorrean”.
UXUE TAJADA
Humanitate Digital Globalak graduko (HDG) ikaslea. Praktikak Tecnalia zentroan egin ditu
“Teknologiarekin egiten dugu lan, baina begirada kritikoa erabiltzen dugu gizartearen beharrei erantzuteko. Konturatu naiz askotan teknologiaren gainean dugun ikuspegia negatiboa dela (...) baina ahaztu egiten zaigu onura asko ekar ditzakeela”.
Gradu Bukaerako Lana
Graduaren azken ikasturtean Gradu Bukaerako Lana egingo duzu, enpresa edo erakunde baten behar errealei erantzuteko helburuarekin. Enpresaren nahiz unibertsitatearen bueltako pertsonen tutoretza eta gidaritzarekin, erronka erreal baten irtenbidea aurkitu beharko duzu.
- Zure GBL proiektu propioa aurkeztu dezakezu.
- Azken ikasturtean 4 hilabete eskaini beharko dizkiozu lanari, oso-osorik.
- Enpresako eta fakultateko tutoreen laguntza izango duzu.
- Proiektu errealak mota guztietako enpresa eta erakundeetan.
- Ezinbesteko baldintza da titulua jasotzeko.
Zein enpresatan egin ahalko dituzu praktikak?
Humanitate eta Hezkuntza Zientzien Fakultatea elkarlanean aritzen da antolakunde eta erakunde ugarirekin, praktikak eta Gradu Bukaerako Lanak egin ahal izateko, esaterako: