Ikasten jarraitu

Haur Hezkuntzako zure gradua lortzen duzunean, trebatzen jarraitu ahal izango duzu gehien interesatzen zaizun arloan espezializatzeko. Hala, aukera hauek izango dituzu: gradu bereko bigarren aipamen bat egin, Lehen Hezkuntzako gradua ikasi, unibertsitateko master bat egin edo irakasleei zuzendutako hezkuntza-arloko ikastaro laburretan prestatzen jarraitu.

Ikasi bigarren gradua edo bigarren aipamena Hezkuntzan

Dagoeneko graduatu bazara, orain Haur Hezkuntza graduko bigarren espezialitate bat lor dezakezu, edo Lehen Hezkuntza gradua egin, modalitate erdipresentzialean ikasiz (online + saioak/tutoretzak eta derrigorrezko praktika presentzialak), eta ikasketak lanarekin edo beste jarduera batzuekin bateratu ditzakezu.

Informazio gehiago bigarren gradua edo bigarren aipamena Hezkuntzan ikasteari buruz

Haur Hezkuntza graduko aipamenak

Haur Hezkuntza Orokorra

Tutore gisa ikasleekin, familiekin edo hezkuntza-komunitatearekin lankidetzan jarduteko gaitasunak eskuratuko dituzu.

Atzerriko Hizkuntza

Hizkuntza eta kultura anitzeko testuinguruetan lan egin ahal izango duzu, ikasgelako haurren hizkuntza eta komunikazio beharrei erantzunez.

Entzumena eta Mintzaira

Entzumen- eta hizkuntza-zailtasunak dituzten haurren garapenean lan egingo duzu ikastetxeetan.

Psikomotrizitatea

Haurraren garapen psikomotorearen gakoak ezagutuko dituzu eta haren beharrei erantzuten ikasiko duzu. Gainera, haurren jolas eta mugimendu libreak behatzen eta interpretatzen ikasiko duzu.

Aipamenei buruzko informazio gehiago

Zergatik ikasi master bat?

Ikasketak amaitu ahala, gehien gustatzen zaizkizun hezkuntza-arloak zeintzuk diren ohartuko zara. Unibertsitate-master bat eginez, espezializatzeko eta zure gaitasunak hobetzeko beharrezko prestakuntza lortuko duzu, norabide horretan sakontzen lagunduz edo ikerketa eta doktorego-ikasketak bezalako bide berri bat hartuz:

IKASKUNTZA ETA BERRIKUNTZA ERRAZTEKO MASTERRA (LIT)

Enpresa- zein hezkuntza-inguruneetan ikaskuntza errazteko proiektu berritzaileak ikertzeko, garatzeko, bultzatzeko eta kudeatzeko gaitasunak eskuratuko dituzu.

Ikaskuntza eta Berrikuntza Errazteko Masterrari buruz gehiago jakin

Kooperatibismoa eta Kudeaketa Sozienpresariala

Gai izango zara enpresa kooperatiboak eta ekonomia sozialeko erakundeak oso-osorik sortzeko, garatzeko eta kudeatzeko, baita arlo horietan ikertzeko ere.

Kooperatibismoa eta Kudeaketa Sozioenpresariala Masterrari buruz gehiago jakin

Haur Hezkuntzarekin loturiko ikastaroak

Unibertsitate-master bat egiteko denborarik ez badaukazu baina prestakuntza jasotzen jarraitu nahi baduzu, hona hemen ikastaro aurreratu laburragoak egiteko zenbait aukera, lan-mundurako presta zaitezen.

Kontsultatu haur hezkuntzarekin lotutako ikastaro guztiak

Lanerako aukerak

Profesional gehienek eskola publikoetan, pribatuetan edo itunduetan lan egiten dute, Haur Hezkuntzaren esparruan, bi zikloetan, 0 eta 6 urte bitarteko haurrekin. Baina askoz gehiago dira Haur Hezkuntzako graduak eskaintzen dituen lan-irteerak, adibidez:

Material didaktikoen diseinua.
Heziketa fisikoa Haur Hezkuntzan.
Hezkuntza plastikoa.
Hezkuntza atzerriko hizkuntzan.
Behar bereziak dituzten haurren hezkuntza.

Lanerako aukerak