Euskara
EUSKARA
Mondragon Goi Eskola Politeknikoko Euskara Batzordearen misioa da eragile aktiboa izatea MGEPen eta gizartearen euskalduntzean, erabilera hizkuntza nagusia euskara izanik eta euskarazko ezagutza teknikoa zabalduz. 2006.urtean eratu zen batzordea eta erakundeak egiten dituen Plan Estrategiko eta Kudeaketa Planetan bere lanketa propioak izan ohi ditu (dagozkion helburu, indikatzaile eta prozesuekin).
2021-2024ko Euskararen Plan Estrategikoaren helburuak:
- Euskararen erabilera handitu eremu formal eta ez-formalean.
- Euskarazko ezagutza teknikoa zabaltzea.
- Enpresa munduan euskararen zabalkundean eragin.
- Euskalgintzaren parte aktibo izan.
- Erabileran eragingo duten langileak gaitu eta saretu.
Langileen %90k euskaraz ulertzen du
Langile artean 2022ko neurketaren arabera euskararen erabilera %64koa da.
2022an euskara ikasi duten langileak: 22
Euskara Batzordea osatzen duten pertsonak orotariko perfila dute: Koordinazio Orokorreko ordezkariak, euskara teknikaria, irakasle-ikerlariak eta Kontseilu Sozialeko ordezkariak besteak beste.
Mondragon Goi Eskola Politeknikoak euskararekin lotutako hainbat foroetan parte hartzen du:
- Arrasateko Euskalgintzaren Mahaia.
- Euskaraldia.
- Materialen Kongresua.
- Mondragoneko Euskara Foroa.
- Ikergazte.
- Euskaragileak taldea.
- Proiektu kudeaketa hiztegiaren sorrera.