Unai Ibarretxe Lopez ikasleak BIKAIN CUM LAUDE kalifikazioa lortu zuen, ‘NAZIOARTEKO DOKTORETZA’ aipamenarekin eta 'DOKTORETZA INDUSTRIALAREN' aipamenarekin
Unai Ibarretxe Lopez ikasleak BIKAIN CUM LAUDE kalifikazioa lortu zuen, ‘NAZIOARTEKO DOKTORETZA’ aipamenarekin eta 'DOKTORETZA INDUSTRIALAREN' aipamenarekin
Unai Ibarretxe Lopez ikasleak BIKAIN CUM LAUDE kalifikazioa lortu zuen, ‘NAZIOARTEKO DOKTORETZA’ aipamenarekin eta 'DOKTORETZA INDUSTRIALAREN' aipamenarekin
Tesiaren izenburua: "Hot Stamping of High Strength Alumimum Alloys: New Insights into Prediction of Material Properties and Industrialization of Lightweight Automotive Components"
Epaimahaia:
- Presidentzia: A. Erman Tekkaya (Dortmund University of Technology)
- Bokala: Nikolay Sotirov (Benteler International AG)
- Bokala: Ana Conde Del Campo (CENIM)
- Bokala: Iñaki Hurtado Hurtado (Mondragon Unibertsitatea)
- Idazkaria: Eneko Saenz de Argandoña (Mondragon Unibertsitatea)
Laburpena:
Ingurumen kutsadura gutxitze aldera ibilgailuen pisu murrizketa oinarrizko lehentasuna bihurtu da automobilgintza sektorean. Erregai kontsumoa aurrezteaz gain, istripuekiko segurtasun baldintzak hobetzea ere bilatzen da. Teknologiaren hobekuntzari dagokionez, materialak ordezkatzea da aipatutako helburuak erdiesteko biderik zuzenena, eta automobilgintza sektorean batez ere erresistentzia altuko altzairuak erabiltzen diren arren, erresistentzia altuko aluminio aleazioak ere erabiltzen hasiak dira, beren gogortasun espezifiko altua oso ezaugarri interesgarria baita. Hala ere, ez da erraza aluminiozko piezen talka portaera eta pisu murrizte ahalmena zehaztea eta ezaugarriok xede berdinerako erabiltzen diren beste materialenekin konparatzea. Gainera, aluminio aleazioen konformatzeko gaitasun eskasa buruhauste handia da ibilgailu ekoizleentzat. Erronka teknologiko honi aurre egiteko irtenbiderik aproposena jada ezaguna den eta gogortasun handiko altzairuzko pieza konplexuak fabrikatzeko (adibidez zutabe errefortzuak, habeak edota kolpe-leungailuak) erabiltzen den berotako estanpazio prozesua erabiltzea da. Hala ere, termikoki gogorgarriak diren aluminio aleazioen ziklo termikoa eta altzairuzkoenak guztiz ezberdinak dira, tenperatura kritikoak, denbora eta gogortze mekanismoak ezberdinak baitira. Portaera termiko guzti hauei buruzko ezagutza ezinbestekoa da berotako estanpazio estrategia teknologiko aproposa garatzeko. Zoritxarrez, aluminioen berotako estanpazio teknologiak ez daude guztiz finkatuak, ez dira intentsiboki erabiliak izan automozio piezen ekoizpen masiborako eta ez dira ikertu hauen industrializazioa eta propietateen aurreikuspenak.
Hortaz, ikerketa lan honetako lehendabiziko urratsa material ezberdinen pisu murrizketa ahalmena eta ingurumen inpaktua zenbatesten dituen metodologia sinplifikatu bat garatzea izan da. Honekin, aipatutako helburuetarako AA6082-T6 eta AA7075-T6 aluminio aleazioak aukera aproposak direla ondorioztatu da, eta jarraian bi material hauek termo-fisikoki eta erreologikoki karakterizatu dira, prozesu honetan ezaugarritze arazo ezberdinen ondoriozko eraginak zuzendu direlarik. Ondoren tratamendu termiko eta fabrikazio aldagaiek materialaren propietate mekanikoetan duten eragina aztertu da, eskuratutako ezagutzarekin prozesu optimoaren ezaugarriak zehaztu direlarik. Gainera, ikerketa lan honetako datu esperimentalak modelo termiko ezagunak hobetzeko eta kalibratzeko erabili dira, honela aztertutako aleazioen propietate mekanikoak zenbakizko kalkuluekin aurreikustea ahalbideratu delarik. Azkenik, froga semi-industrialak egin dira benetazko automozioko piezak fabrikatuz, horrela ikertutako aluminio aleazioen propietateen aurreikuspenerako modeloa balioztatu delarik. Hori egiteko, fabrikatutako piezen propietate mekanikoak, estanpazioaren zehaztasun geometrikoa, korrosioarekiko erresistentzia eta talkarekiko portaera aztertu dira.
Ikerketa lan honetan berotan estanpatutako aluminio aleazio piezek industrializatzeko, segurtasun pieza gisa jokatzeko eta altzairua ordezkatzeko bideragarriak direla ondorioztatu da hainbat alderditan. Halaber, garatu den propietateen aurreikuspenerako modelo termikoaren eta froga esperimentalen arteko korrelazioa egokia izan da. Emaitza guzti hauek baliagarriak izan dira Fagor Arrasate S. Coop. enpresak aluminiozko automozioko piezei zuzendutako berotako estanpazio linea operatiboak diseinatzeko eta garatzeko.