IKT Zerbitzuak

INFORMAZIO-SISTEMEK ESKAINTZEN DITUZTEN ZERBITZUAK

Mondragon Goi Eskola Politeknikoko (MGEP) ikasleek eta langileek Informazio Sistemen Sailak eskainitako zerbitzu teknologikoen aukera polita dute eskura; honako hauek:

 

Posta elektronikoa

MGEPan matrikulatutako ikasle orori erabiltzaile-izena eta posta elektronikoko helbide bat ematen zaie sareko baliabideetara sarrera izan dezaten. Era berean, ikasle bakoitzari fitxategi-zerbitzari batean disko-kuota bat ematen zaio eta horri segurtasun-kopiak ateratzen zaizkio egunero.

 

Internetera sarrera

MGEPko edozein puntutatik ikasleek Internetera sarrera izango dute beren erabiltzaile-izena erabiliz. Zerbitzu hori erabili ahal izateko, MGEPko Internet erabiltzeko arauen laburpena idatziz onartu beharko da.

 

Haririk gabeko sarea

Haririk gabeko sareak Iturripe Campus osoan du estaldura; zehazki, liburutegiko hiru solairuetan, ikasteko geletan eta informatikako geletan, gizarte-lokalean eta kafetegian. Biteri Ikastetxe Nagusiak ere haririk gabeko sarea badu.

 

Informatikako gelak

MGEPak informatikako 15 gela ditu eta gela horietan, 367 ordenagailu daude ikasleen zerbitzura. Horri espezialitate bakoitzari dagozkion laborategiak gehitu behar zaizkio. Gela bakoitza ikasleak bere titulazioari dagokion prestakuntza garatzeko beharrezkoa duen softwareaz horniturik dago. Halaber, ikastetxean, fotokopiagailuak, inprimagailuak (B/N eta koloretan), eskanerrak, CD eta DVD grabagailuak eta abar ere ikasleen eskueran daude.

 

Erabiltzaileen arretarako zentroa (EAZ)

EAZtik, MGEPko sarearen erabiltzaile orori, ikasleak barne, euskarria ematen zaie. Erabiltzailearen arretarako telefono bat dago eta Iturripe edo Garaia Campusetako edozein puntutatik deitu daiteke bertara.

 

Antibirusa

MGEPak softwarerako antibiruseko lizentzia du eta bertako ikasleei eta langileei euren ekipo pertsonaletan antibirusa instalatzeko aukera ematen die.

 

Idazkaritza birtuala

Idazkaritza birtuala zenbait zerbitzu eskaintzen dituen ikaslearen ataria da, hala nola: matrikula egiteko, notak kontsultatzeko, azterketak erreklamatzeko, ziurtagiriak eskatzeko eta abarretarako zerbitzuak.

Idazkaritza birtualera sarrera

 

Moodle

Irakaskuntza /Ikaskuntzaren ingurune birtualari Moodle plataformak eusten dio. Horrek zuzeneko prestakuntzari laguntzeko eta e-learning-erako euskarritzat balio du.

Moodle-ra sarrera

 

KoNet

KoNet Mondragon Unibertsitateko aplikazio mugikorra da. Aplikazio honen bidez, Unibertsitateak eskaintzen dituen zerbitzu, informazio eta baliabideak mugikor edo tabletean daude eskuragarri.

Informazio gehiago