Unai Atutxa Olmos ikasleak OSO ONDO kalifikazioa lortu zuen

Atzealdea

Unai Atutxa Olmos ikasleak OSO ONDO kalifikazioa lortu zuen

TESIA

Unai Atutxa Olmos ikasleak OSO ONDO kalifikazioa lortu zuen

2023·03·09

$titulo.getData()

Tesiaren izenburua: "Suitability Analysis, Design and Protection of an Active Modular Rectifier Architecture for a More Electric Aircraft"

Epaimahaia:

  • Presidentzia: Jon Andreu Larrañaga (UPV/EHU)
  • Bokala: Maider Santos Mugica (Tecnalia)
  • Bokala: Ander Ávila del Pozo (Ikerlan)
  • Bokala: Jose Antonio Cortajarena Echeverria (UPV/EHU)
  • Idazkaria: Gonzalo Abad Biain (Mondragon Unibertsitatea)

Laburpena:

Ohiko hegazkinek eragindako igorpenak murrizteko helburuarekin, ikerketak egiten ari dira hegazkinen elektrifikazioaren alorrean, hegazkinek erregai gutxiago erabil dezaten. Horrela, asmoa da etorkizuneko Hegazkin Elektrikoagoak (MEA) efizientzia handia, potentzia dentsitate handia eta fidagarritasun handia edukitzea ezaugarri bereizgarri gisa. Testuinguru horretan, proposatzen da HVDC banaketan oinarritutako sistema elektriko bat garatzea, banaketan efizienteagoa izateko, guztirako pisua murrizteko eta ezaugarri gehigarriak -bi norabideko potentzia fluxua, esaterako - emateko aukera gisa.

Doktore tesi honen ardatza da AC/DC bihurgailu tradizionalaren ordez bihurgailu modular aktiboen arkitektura bat jartzea, HVDC banaketa sare bat ezarri ahal izateko eta efizientzia handia eta potentzia dentsitate handia eskaintzeko, gabeziak jasateko gai izateaz gain. Horretarako, AC/DC bihurgailu aktiboen topologiak berrikusi dira eta MEA aplikazioen testuinguruan duten bideragarritasuna aztertu da. Ondoren, konparaziorako azterketa bat egin da, hobekien egokitzen den AC/DC topologia aurkitzeko.

Konparazioaren emaitzetatik abiatuta, bihurgailuaren hiru konfigurazio desberdin proposatu dira, eta horiekin MEAren araudiari heltzen dioten hiru arkitektura modular diseinatu dira. Behin diseinatuta, hiru arkitektura horiek alderatu egiten dira aplikaziorako soluziorik egokiena aurkitzeko.

Azkenik, bihurgailu aktiboen arkitektura MEAren HVDC sistema elektrikoan txertatzen da, gabeziak jasateko duen gaitasuna aztertzeko. Horrela, bi sistema elektrikori buruzko azterketa konparatiboa proposatu da, biek arkitektura modular aktiboa integratuta dutela kontuan hartuta. Konparazioan proposatutako metodologia, azkenik, eraginkortasunaren, pisuaren, bizirauteko gaitasunaren eta gabezien ebakuazio abiaduraren emaitzak alderatzean oinarritzen da.