Miriam Ugarte Querejeta ikasleak BIKAIN CUM LAUDE kalifikazioa lortu zuen, ‘NAZIOARTEKO DOKTORETZA’ aipamenarekin

Atzealdea

Miriam Ugarte Querejeta ikasleak BIKAIN CUM LAUDE kalifikazioa lortu zuen, ‘NAZIOARTEKO DOKTORETZA’ aipamenarekin

TESIA

Miriam Ugarte Querejeta ikasleak BIKAIN CUM LAUDE kalifikazioa lortu zuen, ‘NAZIOARTEKO DOKTORETZA’ aipamenarekin

2023·07·11

$titulo.getData()

Tesiaren izenburua: "Methodology and Toolset for Testing Highly Reconfigurable Programmable Logic Controllers"

Epaimahaia:

  • Presidentzia: Eunkyoung Jee (Korea Advaced Institute of Science & Tchnology)
  • Bokala: David Sanderson (University of Nottingham)
  • Bokala: Itziar Ricondo Iriondo (IDEKO)
  • Bokala: Maider Azanza Sesé (UPV/EHU)
  • Idazkaria: Aitor Arrieta Marcos (Mondragon Unibertsitatea)

Laburpena:

Manufaktura-industria aro berri batean murgiltzen ari da, bezeroen eskari neurrigabeak eta neurrira egindako produktuen beharrak bultzatuta. Merkatuaren beharrak asetzeko asmotan, errentagarriak diren fabrikazio-sistemak berriro definitu beharrean aurkitzen gara. Jasangarritasuna kontutan hartzea funtsezkoa da prozesu honetan, eskura dauden baliabideak berrerabiliz prozesu berriak burutu ahal izateko. Halaber, era berri honi aurre egiteko digitalizazioak bultzatutako teknologia eta ezagutza berriak baliatu behar ditugu.

Kontrolatzaile logiko programagarriak (PLC-ak) industria automatizazioan erabiltzen diren gailu elektronikoak izanik, egoera berriei erantzuteko bere baitan dauden baliabide guztiak uneoro kudeatu behar dituzte. Prozesu honek aldiz, PLC-aren softwarea aldatzea dakar. Hori dela eta, sistemak behar bezala funtzionatzen duela bermatzea ezinbestekoa da, hots, aldaketen ostean akatsik egon ez dela egiaztatzea. Tradizionalki hau eskuz egin ohi den jarduera da, ahalegin haundiak eskatzen dituelarik. Honetaz gain, sistemaren funtzionamendu egokia ez da azken momentura arte begiratzen, eta ondorioz, ezusteko akatsak aurkitu izan ohi dira. Uneoroko aldaketak eskatzen dituen era berri honek, arazo guzti hauek are gehiago larrituko lituzke.

Tesi honek PLC-en software-ari zuzendutako test jarduera automatizatu eta eraginkor bat aurkeztea du helburu. Gauzak honela, Europa mailan gehien erabiltzen den PLC lengoaietako batetan oinarritzen gara, zehazki FBD lengoaian. Lehenik eta behin, biki digitaletan oinarritutako esparru teoriko bat proposatzen da, jarduera hauek modu eraginkor batetan aplikatu daitezen. Garatutako metodologiak hiru urrats nagusi ditu: 1) IEC 61131-3 estandarrean oinarritutako test instantziak sortzea, 2) test hauen optimizazioa, eraginkorrenak soilik aukeratze aldera, eta 3) test jarduerak merkatuan aurkitzen diren simulazio testuinguruetan exekutatzea, horretarako orakulu testak erabiliz.

Industriara bideratuko tesia izanik, industrian gehien erabiltzen den automatizazio soluzioetako batetan inplementatu da, hain zuzen Siemenseko TIA Portal produktuan. Honekin batera, software ingeniaritzako jarduerak eta jakintza industriara eramatea lortu da. Metodologia balioztatzeko, industriako bi kasu erreal erabili dira: 1) Omnifactory, Nottinghameko Unibertsitatean garatutako etorkizuneko aeroespazioko muntaketara bideratutako automatizazio plataforma, eta 2) makina-erreminten fabrikazio-industrian Danobat Groupeko makinak kudeatzen dituen PLC-a. Emaitzen arabera, aurkeztutako metodologia test jarduerak modu eraginkorrean automatizatzeko gai da, azken finean, kostuak eta denbora murriztuz, eta baliabideen berrerabiltasuna uztartuz.