Unai Ulibarriren tesi defentsa

Atzealdea

Unai Ulibarriren tesi defentsa

Tesia

Unai Ulibarriren tesi defentsa

Tesiaren izenburua: Análisis del springback y de la conformabilidad del Inconel 718 en procesos de embutición a temperatura ambiente. SOBRESALIENTE kalifikazioa lortu du.

2018·02·15

$titulo.getData()


  • Tesiaren izenburua: Análisis del springback y de la conformabilidad del Inconel 718 en procesos de embutición a temperatura ambiente.
  • Doktoretza programa: INGENIARITZA MEKANIKOAN ETA ENERGIA ELEKTRIKOAN DOKTOREGO PROGRAMA
  • Tesi zuzendaria: Joseba Mendiguren Olaeta, Eneko Saenz de Argandoña Fernandez de Gorostiza
  • Epaimahaia:

Laburpena

 

Beste sektore batzuetan gertatzen den bezala, aeronautika sektoreko CO2 isurketen murrizketaren helburua Kyotoko (Nazio Batuak 1998) nazioarteko akordioaren eskutik emana dator. Honen helburu nagusia negutegi efektua areagotzen duten, eta ondorioz planetaren beroketan eragin zuzena duten gasen isurketak murriztea da. Motoreen errendimendua handitzen duten hobekuntzak lehen aipatutako helburuari lotuta dagoen ikerketa lerro bateri dagokio. Motore baten errendimendua, motorearen diseinu eta errendimendu termodinamikoarekin zuzenki lotuta dago. Azken ezaugarri hau, motorearen nukleoaren fabrikazioan erabilitako materialengatik mugatuta dago. Inconel 718 materiala, motore baten errendimendu termodinamikoa hobetzen duen nikel basedun superaleazio bat da. Hori dela eta, disko, karkasa, bano eta abarren fabrikaziora zuzendua dago. Gainera, giro tenperaturan konformazio ahalmen nabarmena dauka, eta fabrikazio prozesu baten konformazio etapen artean egindako suberaketa tratamendu termikoaren (STT) bitartez hobetu daiteke. Beste alde batetik, materialak daukan berreskuratze elastikoa kontutan hartzekoa da. Naiz eta automozio eta aeronautikako sektoreen arteko fabrikazio kadentzia ezberdina izan, gaur egun automozio sektoretik bereganatutako fabrikazio kontzeptuak aeronautikako sektorean aurki daitezke. Honen arrazoi nagusia, konponente bakoitzaren fabrikazio kosteen murrizketa da. Horretarako software simulazio bidezko materialaren portaera erreala aurrez ikustea ezinbestekoa da.

Tesi honen garapenerako egindako literatur azterketaren ondoren, alde batetik Inconel 718 materialaren karakterizazio esperimental aurreratu baten falta dagoela ikusi da. Beste alde batetik, hotzean egindako enbutizio prozesuen materialaren portaera elastiko, gogortze, fluentzia, konformabilitate eta frikzio koefizientearen modelizazioari buruzko jakintza hutsarte bat dagoela ikusi da. Springback-aren aurre ikustearekin erlazioa duten ikerketarik ere ez da aurkitu. Ezta fabrikazio etapen arteko suberaketa tratamendu termikoak Inconel 718-aren springbackean eta konformabilitatean daukan eraginarekin zerikusia dutenik ere. Horregatik, lehendabizi materialaren karakterizazio aurreratuari ekin zaio eta ondoren materialaren eta enbutizio prozesuaren parametroen modelizazioari. erakusten duen ezohiko bilakaera ere atzeman da. Hasiera batean frikzio koefizientea txikitzen da presioa handitzen den einean, baina 10 MPa-eko presioaren inguruan, frikzio koefizientearen balioaren bermatze bat eman ordez, honen igoera antzematen da. Azken ezaugarri hau software komertzialetan inplementaturiko modeloen bitartez modelizatzea ezinezkoa da.Materialaren eta giro tenperaturan egindako enbutizioaren parametroen modelizazioaren ondoren, modelo horiek balioztatu dira. Horretarako esperimentalki eta simulazio bidez eginiko U-Drawing entseguaren emaitzak konparatu dira. Entsegu hau springback-a aztertzeko entsegu espezifiko bat da. Konparaketan modelo basiko eta aurreratuak materialaren portaera erreala aurre ikusteko duten ahalmena aztertu da. Aztertutako bi material egoeren portaera erreala aurre ikusteko, modelo aurreratuenak egokienak direla ikusi da.