Andrés Selaren tesi defentsa

Atzera

Andrés Selaren tesi defentsa

TESIA

Andrés Selaren tesi defentsa

Tesiaren izenburua: "Advanced measurement techniques to improve predictive modelling of cutting processes by using inverse simulation". SOBRESALIENTE CUM LAUDE kalifikazioa lortu du, ’Doctor Internacional’ aipamenarekin.

2021·07·16

$titulo.getData()


  • Tesiaren izenburua: "Advanced measurement techniques to improve predictive modelling of cutting processes by using inverse simulation".
  • Epaimahaia:
    • Mahaiburua: Jose Carlos Outeiro (Arts et Metiers Institute of Technology)
    • Mahaikidea: Juan Asensio Lozano (Universidad de Oviedo)
    • Mahaikidea: François Ducobu (Université de Mons)
    • Mahaikidea: Idriss Tiba (Arts et Metiers Institute of Technology)
    • Idazkaria: Iñaki Mirena Arrieta Galdos (Mondragon Unibertsitatea)

Laburpena

Mekanizatua oso prozesu garrantzitsua da, horrek herrialde garatuetan barne produktu gordinaren %3-tik %10-era bitarteko tasak erakusten duenez. Hala ere, prozesuko ebaketa-baldintza eta mekanizazio-erremintak ez dira sistematikoki aukeratzen, eta honek denboran eta kostuan galerak sortzen du.

Karakterizazio termomekanikoen saiakuntzetan mekanizatuan bezalako muturreko baldintzak lortzen ez direnez, lortutako isurpen legeak ez dira mekanizatu prozesuen adierazgarri. Alderantzizko simulazioa irtenbide posible bat izan liteke baina {tenperatura}, deformazioa eta deformazio abiaduraren neurketak burutzea erronka izaten jarraitzen ditu.

Tesi honetan tenperatura, deformazio eta deformazio abiaduraren neurketak egiteko metodo berriak aurkezten dira, alderantzizko simulazioetan sarrera parametro gisa erabiltzeko. Azaltzen diren metodoak karakterizazio termomekaniko eta Ti6Al4V aleazioen ebaketa ortogonalean aplikatu ziren. Material hori oso erabilia da dituen ezaugarri mekanikoengatik -erresistentzia espezifiko altua, zurruntasuna, gogortasuna eta neke eta korrosioarekiko duen erresistentziagatik- eta gainera ezaugarri horiek tenperatura altuetan mantentzen dituelako. Hala ere, mekanizatzeko aleazio zaila da, txirbil segmentatua sortzen duelako.

Mekanizatzen hasi aurretik, karakterizazio termomekanikoa burutu zen, materialaren portaeraren ezagutza handiagoa izateko eta neurketa metodologiak baieztatzeko. Tenperatura neurtzeko filmazio infragorria erabili zen, eta deformazioa irudi digitalen korrelazioarekin. Gainera, barne-beroketa adiabatikoa (\textit{adiabatic self-heating}) neurtzeko 3Dn egindako analisi termodinamikoan oinarritutako metodologia bat aurkezten da.

Mekanizatuan, ebaketa ortogonalen baldintzetan tenperatura neurketak egin ziren. Horiekin harikortasun irizpidea egiaztatu zen. Alderantzizko simulazioaren bidez txirbilaren segmentazio maiztasuna sarrera moduan erabili zen aipatutako irizpidea optimizatzeko. Txirbilaren segmentazio maiztasunaren iragarpenean errorea murriztu zen, %100 baino handiagoa izatetik %10 baino txikiagoa izatera igaroz, gainerako irteera aldagaien zehaztasuna mantenduz.

Ebaketa eremuan deformazio plastikoak neurtzeko sare mekanizatuen distortsioan oinarritutako metodo berri bat garatu da. Metodo horrek aplikazio garrantzitsua izan dezake industrian, gainazal azpiko kaltea neurtzeko baliagarria zela frogatu baitzen, lortutako balioak zehatzak zirelako subjektibotasuna murriztuz. Metodo hori piezaren hasierako mikroegitura, erremintaren erradio eta estaldura efektuaren analisia egiteko erabili zen.