2026ko PBLday jardunaldiak ingeniaritzako ikasleen proiekturik onenak aurkeztu ditu
2026ko PBLday jardunaldiak ingeniaritzako ikasleen proiekturik onenak aurkeztu ditu
2026ko PBLday jardunaldiak ingeniaritzako ikasleen proiekturik onenak aurkeztu ditu
Proiektu sarituak izan dira lehen haurtzaroan emozioak erregulatzeko tresna sentsoriala; trenbideko eta eskaladako istripu-etektorea; piezen tamainaren araberako sailkatzaile automatizatua, Arduino bidezkoa; mendiko patinete jasangarria eta erraz garraiatzeko modukoa garatzea
Mondragon Unibertsitateko Goi Eskola Politeknikoak XI. PBL Day jardunaldia antolatu du non ingeniaritzako 1., 2. eta 3. mailetako 136 ikaslek hartu duten parte. Galarretako Eko Campusean (Orona Ideon) egin da, eta ikasturteko lehen seihilekoan PBL (Project Based Learning) metodologiarekin gauzatutako proiektu eta maketak erakutsi dituzte ikasleek. Aurten, guztira 1.641 ikaslek hartu dute parte prozesuan, eta 360 proiektu baino gehiago garatu dituzte. Azkenik, 27 proiektu aukeratu dira aurtengo PBL Day jardunaldirako.
Mondragon Unibertsitateak eskaintzen dituen hamar ingeniaritzetako lantaldeak lehiatu dira PBL Day eguneko edizio honetan. Irabazlearen saria 1.000 eurokoa da —Orona Fundazioak eman du—, bigarren saria 500 eurokoa, hirugarrena 300 eurokoa eta laugarrena 200 eurokoa.
Proiektu onenak hautzeko bi fasetan ebaluatu dira. Lehendabizi, Mondragon Unibertsitateko ingeniako irakasleek 27 proiektu aurkeztuak ebaluatu dituzte, eta 4 onenak aukeratu. Ondoren, Orona, Ikerlan eta Jema Energy enpreseko ordezkariz osatutako epaimahaiak 4 finalistak ebaluatu ditu, sarituen hurrenkera erabakitzeko.
IRABAZLEAK
1. postua:
EGGZEN: lehen haurtzaroan emozioak erregulatzeko tresna sentsoriala (1.000 euro)
- Diseinu Industrialeko Ingeniaritza (3. Kurtsoa)
- Ainhoa Alonso, Uxue Etxebeste, Alazne Guerra, Aitor Iñurrita eta Unax Zanguitu
Proiektu honek EGGZEN aurkezten du, 3 eta 4 urte bitarteko haurrentzat ikasgelan erregulazio emozionala eta trantsizioa bultzatzeko diseinatutako tresna sentsorial berritzailea. Gainestimulazio digitalak markatutako hezkuntza-testuinguruan, EGGZENek alternatiba ukigarri eta ez-zuzentzaile bat eskaintzen du, fluidoen dinamikan eta Montessori printzipioetan oinarritua. Zenbait biskositate eta flotagarritasun kontrolatuko likidoen interakzioaren bidez, gailuak erritmo bisual aurresangarria eta lasaigarria sortzen du. Ikuspegi jasangarriarekin garatua, oinarri biologikoa eta tokiko fabrikazioa duten materialak erabiltzen ditu, eta haurren autonomia eta ongizatea sustatzen ditu, zentzumen-esplorazioaren bidez.
2. Postua:
Trenbideko eta eskaladako istripu-detektorea (500 euros)
- Elektronika Industrialeko Ingeniaritza (1. Kurtsoa)
- Iñaki Escoriaza, Ekain Santa Cruz, Liher Nogueiras, Markel Zabalo eta Markel Errasti
Ferrata bidean edo eskaladan istripu larriak detektatzeko eta haiei larrialdi-deia egiteko gailu bat diseinatzea eta gauzatzea. Gailuak erorketen energia neurtu behar du, zer erorketa mota gertatu den eta kalte larririk jaso ote den identifikatu behar du; hala bada, larrialdi-abisua aktibatu behar du, eta kokalekua, istripu-mota (horma, lurra, erorketa askea...) eta pertsonaren konorte-egoera (mugitu egiten da, ez da mugitzen) adierazi behar ditu.
3. Postua:
Piezen tamainaren araberako sailkatzaile automatizatua, Arduino bidezkoa (300 euro)
- Mekatronika Industrialeko Ingeniaritzako Gradua (1. Kurtsoa)
- Julio Arriaga, Alejo Corengia, Jon Gestido, Jon Mena eta Marcos Zubillaga
Piezak altueraren arabera sailkatzeko sistema automatizatu baten prototipoa (maketa) diseinatzea eta garatzea.
4. Postua:
Mendiko patinete jasangarria eta erraz garraiatzeko modukoa garatzea
- Prozesu Industrialetako Ekoteknologiako Ingeniaritza (3. Kurtsoa)
- Oier Angulo, Paula Romero eta Danel Martin
Proiektu honek mendirako taula tolesgarri eta jasangarri baten garapena zehazten du, erabiltzaile afizionatu eta ertainentzat diseinatua, eramangarritasunean eta ingurumen arduran zentratua. Oholak sandwich-erako estalki hibridoa du, liho-zuntzez eta kortxoz egina, eta malgukidun esekidurako ardatz berritzaileak, termikoki tratatutako aluminioz eginak. Fabrikazio-simulazio aurreratuak integratuz eta bizi-zikloa ebaluatuz (LCA), proiektuak arrakastaz balioztatzen du errendimendu handiko diseinu bat, ohiko merkataritza-ereduekin alderatuta ingurumen-inpaktua nabarmen murrizten duena.