Ikasketa plana
Ikasketa plana
Masterra antolatuta dago bi bloke handitan:
- Blokea. Hezkuntza berrikuntzaren oinarri pedagogikoak.
- Blokea. Hezkuntza berrikuntzarako ikerketaren oinarri metodologikoak.
Hezkuntza Berrikuntzarako Ikerketa Unibertsitate Masterrean bi ezagutza multzo handi aurkituko dituzu. Ikasgaien lehen multzoa lotuta dago hezkuntza-berrikuntzaren oinarri pedagogikoekin. Oinarri horien helburua da gaitasuna lortzea hezkuntza-errealitatea posizio analitiko eta kritiko batetik behatzeko, geroago identifikatu ahal izateko beharrak edo erronkak izan ditzaketen hezkuntza-eragileen elementuak, irakatsi eta ikasteko prozesuak, metodologiak edo ezaugarriak. Horrela, identifikatu ahal izango dituzu zure intereseko ikerketaren funtsezko gaiak.
Ikasgaien bigarren blokeak hezkuntza berriztatzeko ikerketaren oinarri metodologikoak biltzen ditu. Eduki horiei esker, inkognitak, galderak edo hipotesiak termino akademikoetan formulatzen ikasiko duzu; jarritako helburuaren arabaera, ikerketaren diseinu egokienak aztertuko dituzu (kuantitatiboa, kualitatiboa eta mistoa), eta bertan inplikatutako faktoreak eta aldagaiak identifikatuko dituzu. Halaber, planteatutako galderei erantzuna eman ahal izateko, datuak zehatz-mehatz biltzen ikasiko duzu eta, gainera, landuko dituzu datuak aztertzeko beharrezkoak diren tresna teoriko eta informatikoak. Azkenik, arreta berezia jarriko duzu datu horien interpretazioan eta ikasketa eta hezkuntza esparruetako emaitzen ahoz zein idatzizko komunikatzeko gaitasunean.
Master Bukaerako Lana
Hezkuntza Berrikuntzarako Ikerketa Unibertsitate Masterra amaitzeko, Master Bukaerako Lana egingo duzu zure intereseko hezkuntza-berrikuntzako gai bati buruz.