Lan-irteerak
Erakundeen Nazioartekotzea: lan-irteerak
"Enpresen nazioartekotzearen parte izango zara, eta maila globalean lan egiten lagunduko diezu"
Gero eta globalizatuago dagoen mundu honetan, enpresek nazioartean jardun behar dute lehiakorrak izaten jarraitu nahi badute. Erakundeen Nazioartekotzeari buruzko Masterra ikasten baduzu, puntako enpresen filialak atzerriko herrialdeetan ezartzeko prozesua kudeatzeko behar diren metodologiak eta ezagutzak garatuko dituzu. Beraz, honako eremu hauetan lan egiteko prestakuntza jasoko duzu:
Lan-Irteerak
Atzerriko filialen zuzendaritza
Lantaldeak zuzendu eta kudeatuko dituzu nazioarteko enpresa baten atzerriko ordezkaritzetan.
Merkataritza-bulegoetako arduraduna
Enpresek eta erakunde publikoek beste herrialde batzuetan dituzten merkataritza-bulegoak kudeatuko dituzu.
Nazioartekotzeko aholkularitza
Enpresei beste herrialde batzuetan merkatu berriak irekitzen laguntzeko estrategiak garatuko dituzu.
Inportazioen eta esportazioen kudeaketa
Enpresa batean esportazio- eta inportazio-eragiketak egiteaz arduratutako pertsona izango zara.
Erosketen arduraduna
Materialak eta produktuak eskuratzeko prozesuak kudeatuko dituzu, baita eta enpresaren hornitzaileekiko harremanak ere.
Merkataritza-arduraduna
Lantaldeak zuzendu eta estrategiak sortuko dituzu enpresa bateko merkataritza-departamentuaren barruan.
Export Area Managerra
Eremu geografiko jakin bateko bezero-zorroa kudeatuko duzu.
Pertsonen arduraduna
Erakundeko talentua kudeatuko duzu.
Gero eta enpresa gehiagok dihardute nazioartean. Beraz, nazioartekotzeko prozesuak eta nazioarteko merkataritzako inportazio/esportazioko izapideak eta kudeaketak ulertu eta ezagutuko dituzten profesionalen eskari handia dago. Industria-enpresen hainbat departamentutan lan egin ahal izango duzu (hala nola CAF, Batz eta Aernnova enpresetan).
Merkataritza Departamentua
Enpresa baten estrategia eta merkataritza-ekintzak kudeatzen eta ezartzen dituen taldeko kidea izango zara.
Enpresen Zuzendaritza
Hainbat sektoretako enpresen atzerriko filialak kudeatu eta multinazionalaren helburuetara bideratuko dituzu.
Logistika
Logistikaren arloan, produktu eta lehengaien inportazioak eta esportazioak kudeatuko dituzu.
Praktikak eta Master Bukaerako Lana
Enpresek oso modu desberdinean funtzionatzen dute kokatuta dauden lekuko kulturaren arabera. Erakundeen Nazioartekotzeari buruzko Masterra ikasten baduzu, ingurunera egokitzeko eta enpresaren helburuak lortzeko behar diren ezagutzak eta tresnak izango dituzu. Praktikei esker, ikasgelan ikasitako guztia abian jarri ahal izango duzu Master Bukaerako Lana egiten duzun bitartean.