Lan irteerak
Lan irteerak
Adimen Artifizialeko Unibertsitate Masterrean eskuratuko dituzun ezagutzei esker, gaur egungo erronkei aurre egiteko profil profesional bat eskuratuko duzu. Aurrerapen teknologiko eta digitalen ondorioz bizi dugun gizarte eraldaketan, masterrean eskuratutako teknika ezberdinen bitartez hurrengo rolak bete ahal izango dituzu:
ADIMEN ARTIFIZIALEKO INGENIARIA
Adimen Artifizialean oinarritutako sistemak diseinatu, garatu eta mantentzeko gai den profesionala izango zara, benetako problematikak modu independentean konpontzeko gai direnak.
AA DATU-ZIENTZIALARIA
Datu-multzo handiak aztertu eta interpretatzeko funtsezko rola izango duzu, ikaskuntza automatikoko teknikak, datuen analisia, estatistika eta programazioa konbinatuz, informazio baliotsua ateratzeko eta arazo konplexuak konpontzeko gai izango zara.
ADIMEN ARTIFIZIALEKO IKERTZAILEA
Adimen artifizial eta datuen ingeniaritzan lortutako ezagutzekin algoritmo eta teknika berriak ikertu, diseinatu eta garatuko dituzu.
AA DATU ANALISTA
Erronkei erantzuna emateko, datu bilketan, prozesamenduan, eraldaketan eta azterketan espezializatutako profesionala izango zara.
DATUEN INGENIARIA
Datuen fidagarritasuna eta eskuragarritasuna bermatzeko, azpiegituren arkitekturaren diseinu, garapen eta mantentze lanen arduraduna izango zara.
MLOPS-EN ESPEZIALISTA
Ikasketa automatiko sistemen bizi-zikloaren fase ezberdinetan metodo egokiak ezarriz, produkzio inguruneetan ikasketa automatiko sistemen diseinu, hedapen eta hobekuntzan lan egingo duzu.
ADIMEN ARTIFIZIALEAN ADITUA
Ezagutza tekniko eta praktiko sakonarekin, enpresa edo erakundeetan Adimen Artifizialaren estrategiaren koordinatzailea izango zara.
ADIMEN ARTIFIZIALEKO PROIEKTUEN ZUZENDARIA
Adimen Artifizialaren oinarritatutako proiektuak gauzatu eta zuzenduko dituzu.
AA-RI BURUZKO IKERKETA UNIBERTSITATEAN
Mondragon Unibertsitateko irakasleek irakaskuntza eta ikerketa-jarduera uztartzen dituzte, eta, horretarako, unibertsitateko hainbat ikerketa-taldetan integratzen dira. Bideo honetan, unibertsitateko hainbat kidek enpresekin garatzen dituzten adimen artifizialeko proiektuak azaltzen dituzte.
Unibertsitateak ikasleen artean prestakuntza duala sustatzen duenez, masterra gauzatu bitartean proiektu horietan edo antzekoetan parte hartzeko aukera ere izan ahalko duzu. Eta nork daki, agian doktore-tesi bat egitera animatzen zara eta gure taldean bat egitera.