Politika-adierazpena
Erasmus Politika-adierazpena
Mondragon Unibertsitatea Espainiako zazpigarren industria-taldea den Mondragon Korporazioaren barruko kooperatiba-unibertsitatea da. 264 enpresak eta erakundek eta 81.000 langilek baino gehiagok osatzen dute korporazioa, eta 30 herrialdetan ditu ekoizpen-unitateak. Bokazio gizatiar argia du eta konprometituta dago gure ingurunearekin, gure gizartearekin eta gure garaiarekin. Mondragon Unibertsitatearen nazioarteko dimentsioa bultzatzea da 2017-2020 aldirako gure Plan Estrategikoan identifikatutako erronka estrategikoetako bat. Hauek dira helburu estrategikoak:
- Ikasleen eta langileen mugikortasuna eta unibertsitate, zentro teknologiko eta erakundeekiko lankidetza sustatzea eta hobetzea.
- Mondragon Unibertsitatearen nazioarteko eskaintzaren posizionamendua indartzea.
Erasmus Programan parte hartzen jarraitzeak Mondragon Unibertsitatearen nazioartekotze-estrategian zehaztutako helburu hauek lortzen lagunduko du:
- Gero eta mundu globalagoan, gradu, master eta doktoregoko gure ikasle eta langileen hizkuntza- eta kultura-aniztasuneko gaitasunak hobetzea beren hezkuntza-esperientziaren parte gisa, ikasleen nazioarteko mugikortasuna sustatuz. Sartu eta ateratzen diren ikasle eta langileen nazioarteko mugikortasunaren esperientzia sustatzen eta hobetzen jarraitzea da helburua.
- Unibertsitatearen lehiakortasun- eta berrikuntza-maila hobetzea, beste unibertsitate, zentro teknologiko eta erakunde batzuekiko lankidetza sustatuz.
Zehatzago esanda, parte-hartzeak honetan lagunduko du:
- Gaitasunen desorekei aurre egiten eta gaitasunen garapenean bikaintasuna sustatzen
- Goi-mailako hezkuntza-sistema inklusibo eta konektatuak eraikitzen
- Goi-mailako hezkuntza-erakundeek berrikuntzari laguntzen diotela ziurtatzen
- Goi-mailako hezkuntza-sistema eraginkorrak eta efizienteak babesten