Industria Diseinuko eta Produktu Garapeneko Ingeniaritza Gradua

INDUSTRIA DISEINUKO ETA PRODUKTU GARAPENEKO INGENIARITZA GRADUA

Enpresentzat, gizartearentzat eta planetarentzat balioa sortzen duten produktu eta zerbitzu berritzaileak diseinatzeko gai izango den profesional bilaka zaitez. Diseinu Industrialeko profesional gisa, diziplina anitzeko taldeetan lan egingo duzu, non sormena, gaitasun teknikoak eta berrikuntza funtsezkoak diren.

 

Industria diseinatzailearen lana inguratzen gaituzten produktuei forma ematea da, pertsonen egunerokoa erraztuz. Hau guztia, modu sortzaile eta berritzailean, beti ere, ingurumena errespetatuz. Bere jarduerak enpresa berrikuntzarekin harreman estua du, bera baitai ndustriak etorkizunean gauzatuko dituen proposamen berriak planteatzeko ardura duena.

Industria diseinuko profesionalak diseinua, fabrikazioa eta produktuaren garapena bezalako kontzeptuak menperatu behar ditu. Bere lana kontsumitzaile eta erabiltzailearen beharrak ezagutzetik hasten da eta produktuaren komertzializazioarekin amaitu. Diziplina anitzeko ingeniaritza honek industria diseinuko profesionalari enpresa bateko departamentu askotan lan egiteko aukera ematen dio.

Pertsonak Ardatz dituen Diseinua

Mondragon Unibertsitatean uste dugu diseinuak pertsonen benetako beharrei erantzun behar diela. Horregatik, pertsonetan oinarritutako diseinuan jartzen dugu arreta, gizarte-erronkei heltzeko, eguneroko arazoak konpontzeko eta bizitza-kalitatea hobetzeko. Gure diseinu-metodologia propioa ikasi eta aplikatuko duzu, erabiltzailea ardatz duen ikuspegiarekin berrikuntza-proiektuak gidatzeko eta gauzatzeko gaitasuna garatuz. Gainera, 3D CAD modelatzea, prototipatzea eta komunikazio bisuala bezalako trebetasun teknikoak garatuko dituzu; produktu-garapenerako eta zure ideiak modu eraginkorrean komunikatzeko ezinbesteko tresnak, hain zuzen.

Ikaskuntza praktikoa eta kolaboratiboa

Uste dugu ikasteko modurik onena norberak eginez eta taldean eginez dela. Horregatik, gure ikasketa ereduak banakako lan praktikoa eta talde-lan kolaboratiboan oinarritutako proiektuak uztartzen ditu. Seihilabeteko azken hilabetean, ohiko eskolak eta ariketak eten egiten dira, eta arazoetan oinarritutako eta proiektu bidezko ikaskuntza (POPBL, Problem-Oriented Project-Based Learning) esperientzian murgilduko zara. Proiektu erreal bat simulatzen duen lan honetan, taldeek diseinu-aukerak identifikatzen dituzte eta produktu-soluzio oso bat garatzen dute, diseinu-estudio profesional batean egingo litzatekeen moduan.

 

Elkartrukeko ikasleentzako ikasgaiak

Ingelesez emandako ikasgaiez osatutako 30 ECTSeko pakete bat proposatzen dugu: Diseinuaren Metodologia II, Ordenagailuz Lagundutako Diseinua I, Adierazpen Artistikoa, Erabilgarritasuna, Proiektuen Kudeaketa II, eta Teknologia Politika eta Berrikuntzaren Kudeaketa. Paketea ordutegi- bateragarritasuna bermatzeko diseinatuta dago. Ikasgai gehienek osagai praktikoak eta proiektuetan oinarritutako ikaskuntza dituzte. Gainera, zure esperientzia akademikoa pertsonalizatu nahi baduzu, hizkuntza-ikastaro eta hautazko ikastaroen aukera bat izango duzu eskura.

  CODE SUBJECT ECTS LANGUAGE SHIFT CAMPUS
PDF GDW305 Design Methodoloty II 4,5 EN M Arrasate
PDF GDJ302 Computer -Aided Design 6 EN M Arrasate
PDF GDJ303 Artistic Expression II 4.5 EN M Arrasate
PDF GDN302 Thermal and Fluid Engineering 4.5 EN M Arrasate
PDF GDW303 Usability 3 EN M Arrasate
PDF GDW304 Enviromental Aspects  3 ES M Arrasate
PDF IER001 Spanish 3 ES   Arrasate
PDF GOG999 Project Management II 6 EN   Arrasate
PDF GOGG02 Technology Policy and Innovation Management 6 EN   Arrasate
PDF IER006 Basque Culture 6 EN   Arrasate
PDF GHXXX Elective Courses 3/4,5 EN/ES M/A Arrasate

Gurekin bat egiteko prest?

Produktuen garapenean zure trebetasunak sakondu nahi badituzu, diseinu- metodologia berriak esploratu, edo nazioarteko ingurune batean ikaskuntza kolaboratiboa bizi, Mondragon Unibertsitateak ingurune berritzaile eta lagungarria eskaintzen dizu zure garapena bultzatzeko.