Zerk bereizten gaitu
IKASKETA PRAKTIKOA
Gure eskaintza akademikoak inguruneko enpresen behar teknikoei erantzuten die. Ikasleek Mondragon Goi Eskola Politeknikoan ikasten dutenaren oinarrian lanaren ingurunean agertu daitezkeen egoera errealen edo antzekoen gainean lan egitea dago.
Ikasteko prozesu praktiko horren zutabeak ekipamenduak, instalazioak eta laborategiak dira, askotan lanpostuan aurkituko dituztenen berdinak.
Ondorioz, ikasleen artean motibazio maila altua lortzen dugu.
INSTALAZIOAK ETA LABORATEGIAK
Titulazio guztietako ikasleen formaziorako informatikako, elektronikako eta mekanikako laborategiak ditugu.
Laborategi hauek Goi Mailako Heziketa Zikloetako teknikarientzat, Gradu eta Masterretarako eta ikerketarako erabiltzen dira. Horregatik, punta puntako ekipamenduak ditugu.
Sareko Informatika Sistemen Administrazioko titulua “Elektronika eta Sistema Txertatuen Berrikuntza Teknologikoaren Ikerketa Zentroan” ematen da, Garaiako Berrikuntza Gunean. Eraikuntza honetan ikerketa eta irakaskuntza uztartzen dira eta bereziki diseinatuta dago gure irakaskuntza ereduaren beharrei erantzuteko. Gure irakaskuntza eredua arazoei irtenbideak bilatzera bideratutako proiektuen garapenean oinarrituta dago eta horrek irakaskuntzako eta ikerketako laborategiak izatea eskatzen du, baita ere, talde lanean jarduteko gelak, ikasleentzako bilera gelak eta atseden guneak.
IKASLEENGANDIK HURBIL
Ikasleen prestakuntzaren oinarrietako bat irakasleak ikasketa prozesuan inplikatzen direla da.
- Jarraipena eta lankidetza ikasketa praktikoan zehar.
- Ekimena sustatzea eta lanaren esparruan agertu daitezkeen arazoak esperientziaren bitartez konpontzen laguntzea.
- Maila tekniko handia eta prestakuntza praktikora egokitua.
- Irakasleen prestasuna eta harremana.
