Mugikortasuna eta nazioarteratzea

Mugikortasuna eta Nazioarteratzea

Lidergo Ekintzailea eta Berrikuntza Graduko ikasle guztiek egonaldiak egingo dituzte atzerrian. 

Prestakuntza-bidaiak o Learning journeys

Atzerriko egonaldiak LEINNen irakaskuntza planaren parte dira eta munduko hainbat herrialdetara egiten diren learning journey-en bidez garatzen dira, 30 ECTSko Pertsona Globalak 5. Moduluaren barruan.

Modulu honen bidez, merkatu globaletan enpresek duten ikuspegi globalarekin eta gaur egungo nazioarteko eragiketekin lotutako ezagutzak eta gaitasunak garatzen dira, baita jakintza intentsiboa duten enpresentzat mugek duten garrantzirik eza eta munduko eskalagarritasuna ere. Ikasleek dimentsio globala bereganatzen dute, eta, horretarako, ezagutza teoriko-praktikoa eta nazioarteko esperientzia errealak integratzen dira, learning journeys edo ikaskuntza-bidaien bidez.

Modulu honetan ikasitako gaitasunen eta tresnen bizkarrezurra ikuspegi globalaren rola da, bai eta pertsona globalen existentzia ere, enpresa eta korporazio globalek jarduten duten aukeren ingurune natural gisa. Titulazio osoan garatzen da, eta graduko lehen hiru ikasturteetako irakasgaiak eta hautazko irakasgaiak hartzen ditu.

Learning Journey 1. urtea

Helsinkin edo Berlinen 4-5 asteko egonaldia egiten da, Haaga Helia Universityrekin eta Atellier Garden-eko campusarekin egindako hitzarmen estrategikoaren bidez.

Learning Journey 2. urtea

4 asteko egonaldia egiten da New Yorken (AEB) edo San Josen (Costa Rica), Central University of New Yorkekin eta Fundepos Unibertsitatearekin sinatutako hitzarmen estrategikoen bidez, hurrenez hurren.

Learning Journey 3. urtea

Seoulen (Hego Korea) eta Punen (India) garatzen da, Maharastra Institute of Technology MITekin eta Konkuk Universityrekin egindako hitzarmen estrategikoen bidez, hurrenez hurren.

Gradu Bukaerako Lana

Laugarren mailako bigarren seihilekoan, ikasleak Gradu Bukaerako Lana egin ahal izango du. Lan hori egiteko hiru modu daude: enpresa berri bat sortzeko proiektua, barne-ekintzailetzako proiektua eta Erasmus for young entrepreneurs proiektua. Hiru proiektu mota hauek atzerrian ere egin daitezke.

Praktika espezializatuak enpresan

Laugarren mailan, ikaslea enpresa batean sartu ahal izango da praktikak egitera, haren espezializazio-arloaren arabera. Enpresa hori berrikuntzaren kudeaketaren arloan eta produktu edo/eta negozio berrien garapenaren arloan gauzatzen ari den barne-proiektuan parte hartuko du ikasleak. Enpresa inguru hurbilean edo atzerrian kokatuta egon liteke.