Ikasketa plana
Kultura eta Sormen Industrietako graduak bost arlo ditu. Arlo horietako bakoitzak funtsezko zeregina izango du zure prestakuntzan, eta zure etorkizuneko garapen profesionalerako beharrezkoak diren alderdi teorikoak, teknikoak eta praktikoak landuko ditu.
Bost modulu horietatik abiatuta, graduko irakasgaiak eta horien ondoriozko ikasketa-plana ezarriko dira; helburua da hainbat ikuspegi eta ezagutza-arlotatik sakontzea, eta, hala, sektorearen eta zure etorkizuneko lanbidearen ikuspegi osoa lortzea.
1. arloa
Kultura- eta sormen-industrien esparru teorikoa
Arlo honen helburua da kultura- eta sormen-industrien jatorriari, bilakaerari, oinarriei eta adarrei buruzko oinarri kontzeptual, historiko eta kritikoa izatea. Horretarako, arlo honetan, besteak beste, zuzenbidearekin, etikarekin eta euskal kulturaren transmisioarekin lotutako gaitasunak garatuko dituzu, eta, gainera, sektorearen joeretan eta erronketan sakonduko duzu.
2. arloa
Komunikazioa eta erronkak kultura-ekintzan
Kultura- eta sormen-industriek harreman estua dute komunikazio-esparruarekin, eta komunikazio-bide horren bidez sustatzen da edozein kultura-proiektu sortzeko, ikusarazteko eta banatzeko prozesua. Arlo honetan, besteak beste, ikus-entzunezko komunikazioarekin, teknologia digitalekin, komunikazio-estrategiarekin eta ikerketa-teknikekin lotutako alderdiak landuko dituzu.
3. arloa
Kultura-kudeaketa, -ekoizpena, -sorkuntza eta -bitartekaritza
Arlo honetan ez zara kultura-kudeatzaile soil gisa prestatuko, baizik eta profil profesional berritzaile bat garatuko duzu, gai izango dena, alde batetik, proposamen sortzaileak eta formatu berriak asmatzeko gaitasuna eta, bestetik, ideia horiek proiektu bideragarri bihurtzeko gaitasuna konbinatzeko. Arlo honetan, honako alderdi hauek azpimarratuko dituzu, besteak beste: kultura- eta sormen-inguruneen kudeaketa, ondarearen garrantzia, kultura-bitartekaritza, ekonomia kulturaren munduan eta marketin digitala.
4. arloa
Esperientziak eta praktika akademikoak
Hirugarren eta laugarren mailetan egingo dituzun kanpoko bi praktiken eta nazioarteko proiektuetan sakonduko duzun moduluaren bidez, harreman zuzena izango duzu lan-munduarekin. Hasteko, lan-ingurunera eta -kulturara egokitzen ikasiko duzu, eta, ondoren, nazio mailako zein nazioarteko testuinguruetan eskuratutako ezagutzak, trebetasunak eta gaitasunak aplikatu eta garatuko dituzu.
5. arloa
Kultura- eta sormen-industrien esparruko espezializazioa
Hautazko ikasgaien bidez, hiru ibilbide hauetako batean sakonduko duzu:
1. Bitartekotza eta ikus-arteak.
2. Moda eta diseinua.
3. Musika eta eszena
Ikasgaiak mailaz maila
Laburdurak
- OP: Oinarrizko prestakuntza
- D: Derrigorrezkoa
- H: Hautazkoa
- P: Praktikak
- GBL: Gradu Bukaerako Lana
Kredituen banaketa
| Oinarrizko prestakuntza | 54 ECTS |
| Derrigorrezkoa | 114 ECTS |
| Hautazkoak | 18 ECTS |
| Praktikak | 36 ECTS |
| Gradu Bukaerako Lana | 18 ECTS |
1. maila
2. maila
