Jasangarritasuna

Jasangarritasuna

Ingurumena Kudeatzeko Politika

Enpresagintza Fakultatearen barne-antolaketaren helburuetako bat bere jarduera guztietan ingurumenaren babesa bermatzea da, legezko betebeharrak eta ingurumenaren arloan aplikagarri diren beste baldintza batzuk betetzea, eta ingurumen-kudeaketa enpresaren maila guztietan txertatzea, konpromiso horretatik eratorritako funtzioak eta erantzukizunak esleituz.

Helburu hori lortzeko, Enpresagintza Fakultateak Ingurumena Kudeatzeko Sistema (IKS) ezartzea erabaki du. Sistema horrek, gure kudeaketa-politikaren arabera, poluzioa prebenitzea, gure jardueretatik eratorritako ingurumen-
inpaktu negatiboak murriztea eta gure ingurumen-jardueraren etengabeko hobekuntza sustatzea ahalbidetuko du. Horretarako, hainbat bitarteko erabiliko dira, eta enpresa osatzen dugun guztiok aktiboki inplikatu beharko dugu haien garapenean eta aplikazioan.

Ingurumena babesteko indarrean dagoen legeria betez, IKS guztion erantzukizuna da. Zuzendaritzak eta langileek Sistemaren funtzionamendu egokia bermatu behar dute, ezarritako arauak betez eta eguneroko lanean praktika iraunkorrak sustatuz, eta hobekuntzak proposatuz baliabide naturalen kontsumoa murrizteko, hondakin gutxiago sortzeko eta energia-eraginkortasuna hobetzeko.

Zuzendaritzak IKS etengabe hobetzeko konpromisoa hartu du, onartutako printzipio eta helburuak betetzeko behar diren giza baliabideak, baliabide teknikoak, ekonomikoak eta materialak emanez.

Halaber, Zuzendaritzak konpromisoa hartzen du Ingurumena Kudeatzeko Sistema ezarri, mantendu eta hobetzeko, langile guztien jarrera arduratsua eta etengabeko lankidetza aktiboa bultzatuz ingurumen-helburuak lortzeko. Konpromiso hori lagungarria izango da gure erakundearen jasangarritasuna eta lehiakortasuna indartzeko.

1. Proiektuetan parte hartzea

2. Jardunbide egokiak:

- Ingurumenaren kudeaketa
- Eguzki-panelak
- Kargagailu elektrikoa