"Plataforma-kooperatibei" buruzko programaren bigarren edizioa

Atzera

"Plataforma-kooperatibei" buruzko programaren bigarren edizioa

Online Formazioa

"Plataforma-kooperatibei" buruzko programaren bigarren edizioa

Bigarren edizio hau urriaren 26an hasiko da. Ikastaro honen lehen edizioa COVID19aren osasun-krisiaren erdian izan zen. Bertan, munduko 50 herrialdetako 418 pertsonak parte hartu zuten

2020·07·30

$titulo.getData()


Programa hau New Yorkeko "The New School" Unibertsitateko Ekonomia Digital Kooperatiboaren Institutuak Mondragon Team Academyrekin (Mondragon Unibertsitateko nazioarteko ekintzailetza-sarea) eta Mondragon Korporazioarekin sinatutako prestakuntza-aliantzaren inguruan sortu zen, mundu mailako kooperatibismo digitalaren sustapena bultzatzeko eta plataforma digitalen bidez kooperatiben ekintzailetza sustatzeko. 

Asmoa zen, eta oraindik ere jarraitzen du izaten, horrelako lankidetza-guneak sortzea, enplegu duinerako aukerak eskaini ahal izateko eta mundu mailan langabeziari aurre egiteko, batez ere pandemiak gehien kaltetutako eremuetan. Akordioa konfinamendu garaian egin zen, kobid19aren ondoriozko krisi ekonomiko eta sozialari erantzun azkar bat emateko.

Ikastaro/programa honen lehen edizioa COVID19ren osasun-krisiaren erdian izan zen. Bertan, munduko 50 herrialdetako 418 pertsonak parte hartu zuten. Orain da garaia lekukoa hartzeko, eta bizi nahi dugun gizarteari forma eman nahi dion mugimenduan parte hartzeko.

Programa: plataforma Kooperatibak

Plataforma-kooperatibak kalitatezko lanak eskala handian sortzeko tresna dira, eta dagoeneko errealitate bat dira! Big tech enpresen kontzentrazioa delata une honetan, programa hau ez da kapitalismoaren azterketa eta zaintza sortzera mugatzen. Pertsonak arrakastarako prestatzen ditu, plataforma-ekintzaile gisa, hazkunde esponentzialean dagoen ekosisteman, hau da, gig economy-an. Parte-hartzaileei aukera ematen die aztertzeko, inplikatzeko eta lider gazteen belaunaldi batean sartzeko, plataforma-kooperatiben jabetza kooperatiboan oinarritutako botere-sorkuntzako estrategia berritzaileekin esperimentatzen baitute. Imajina ezazu gidariena den Uber bat eta erabiltzaileena den Twitter bat. "Ekonomia partekatutik" benetan parte hartzailea den ekonomiarako jauzia da. Jabetza partekatua eta demokratikoa duen ekonomia posible da.

Ikastaro hau pertsona hauentzat diseinatu da:

  • Lanik gabe daude, baina lan duina bilatzen dute, batez ere zerbitzuen sektorean.
  • Lan-giro duina nahi dute, formatu digitalean, bezeroekin komunikatzeko erabiltzen duten plataforma digitalaren jabetza eta gobernantza partekatuak izan daitezen.
  • Plataforma-kooperatibetaranzko trantsizioan dauden kooperatibetakoak dira.

Ikastaro hau bi zatitan banatuta dago. Lehen zatia (urriaren 26tik azaroaren 6ra) lau saiok osatzen dute (Big Tech, Desigualdad, Gig Economy, La ventaja cooperativa, El modelo de Plataforma); eta bigarren zatia (azaroaren 9tik urtarrilaren 29ra) orientazio praktikokoa da eta 10 saiok osatzen dute, proiektu kooperatibo digitalaren inkubazio-faseari ekiteko.

Informazio gehiagorako eta ikastaroan izena emateko:

https://www.mondragon.edu/cursos/eu/gaiak/estrategia-ekintzailetasuna-berrikuntza/plataforma-kooperatibak-orain