Wolters Kluwer, Ukabi eta Mondragon Unibertsitatea elkarlanean ari dira, ikasleen prestakuntza teknologikoa eta ekintzailetza bultzatzeko

Atzealdea

Wolters Kluwer, Ukabi eta Mondragon Unibertsitatea elkarlanean ari dira, ikasleen prestakuntza teknologikoa eta ekintzailetza bultzatzeko

Akordioa

Wolters Kluwer, Ukabi eta Mondragon Unibertsitatea elkarlanean ari dira, ikasleen prestakuntza teknologikoa eta ekintzailetza bultzatzeko

Lidergo Ekintzailea eta Berrikuntza Graduko (LEINNeko) ikasleek enpresa errealak sortu eta kudeatzen dituzte, kontabilitateko eta fakturazioko konponbideak eta guzti

2022·12·22

$titulo.getData()


Wolters Kluwer Tax & Accounting España, konpainia liderra bulego profesional eta enpresetarako software-, informazio- eta zerbitzu-konponbideen garapenean, eta Mondragon Unibertsitateko Enpresagintza Fakultatea, elkarlanean ari dira Unibertsitateko ikasleen gaikuntza teknologikoa hobetzeko eta haien enplegagarritasuna eta ekintzailetza errazteko.

Lidergo Ekintzailea eta Berrikuntza Graduko (LEINNeko) ikasleek Wolters Kluwerren a3innuva| Contabilidad eta a3factura konponbide teknologikoak erabiltzen dituzte, zerga- eta kontabilitate arloetan espezializatuak, beren enpresak sortu eta kudeatzeko. Ukabiren bidez, berriz, trebakuntza-esperientzia berritzaile bat bizi dute ikasleek, eta cloud konponbideekin zuzenean egiten dute lan, tresnen demoak erabili beharrean. Software-konpainiaren partner premiuma da Ukabi, eta ekintzaile gazteen anezka bihurtu da.

Tomàs Font Wolters Kluwer Tax & Accounting España konpainiaren zuzendari nagusiaren esanetan, «gure helburua da lan-munduan aplika daitekeen prestakuntza teknologikorako tresnak ematea ikasleei. Informazio, software eta zerbitzu profesionalen hornitzaile globala garen aldetik, nabarmendu egin nahi dugu lan egiten dugun komunitateetan, eta hori lortzeko modurik onenetako bat da ikasleek konponbide teknologikoak erabili eta haietara ohitu ahal izatea, haien enplegagarritasuna eta ekintzailetza hobetzeko».

Ander Gogorza Ukabiko managerrak berretsi duenez «atsegin dugu ikasleak prestatzen laguntzea eta haien laneratzea hobetzea, Wolters Kluwerren bidez lurralde osoan banatzen ditugun konponbide errealen bidez».

Bestalde, Lander Beloki Mondragon Unibertsitateko Enpresagintza Fakultateko dekanoak hauxe adierazi du: «Gure prestakuntza-ereduan, enpresen inplikazio aktiboa lortzen saiatzen gara, gizarte-irisgarritasuna bermatzeko; zentzu horretan, Wolters Kluwerrekin elkarlanean aritzea beste urrats bat da, gure ikasleek software-aplikazio errealak ezagutu eta landu ditzaten, oso baliagarriak izango baitzaizkie lan-munduan sartzeko».

Wolters Kluwer, Ukabi eta Mondragon Unibertsitatearen arteko akordioari esker, pixkanaka-pixkanaka Unibertsitatearen beste gradu eta ikasketa batzuetan txertatzen joango dira konponbide teknologikoak, finantza-, enpresa- eta administrazio-arloei lotuta.

 

Wolters Kluwer

Wolters Kluwer (WKL) munduko liderra da informazio profesionalean, softwareko konponbideetan eta osasun-, zerga- eta kontabilitate-, finantza-, arrisku- eta betetze-, eta lege-sektoreetarako zerbitzuetan. Egunero erabaki kritikoak hartzen laguntzen die bezeroei, eta, horretarako, adituen konponbideak eskaintzen ditu, domeinu bakoitzaren ezagutza sakona eta teknologia eta zerbitzu espezializatuak uztartuz.

Wolters Kluwerrek 4.771 milioi euroko diru-sarrerak izan zituen 2021ean. Taldeak 180 herrialdetan baino gehiagotan ditu bezeroak, 40 herrialdetan baino gehiagotan egiten ditu eragiketak eta 19.800 langile inguru ditu mundu osoan. Konpainiak Alphen aan den Rijn-en du egoitza, Herbehereetan.

Wolters Kluwerren akzioek Euronext Amsterdamen (WKL) kotizatzen dute, eta AEX eta Euronext 100 indizeetan daude sartuta. Wolters Kluwerrek 1. mailako American Deposititary Receipt (ADR) programa babestua du. ADRak Estatu Batuetako burtsaz kanpoko merkatuan (WTKWY) negoziatzen dira.