myGADEko ikasleak Euskadiko elikagaien xahuketan inplikatuta
myGADEko ikasleak Euskadiko elikagaien xahuketan inplikatuta
myGADEko ikasleak Euskadiko elikagaien xahuketan inplikatuta
myGADEn (Enpresen Administrazio eta Zuzendaritzako Gradua, DUALa), ikaskuntza-metodologia gisa, ikasleek zerbitzu-ikaskuntzako proiektu bat garatzen dute, garapen iraunkorreko helbururen batekin zuzenean lotuta dagoena
Ikasturte honetan, Bilboko AsFabrik campuseko myGADEko bigarren mailako ikasleek Elikadura Xahutzearen gaia jorratu dute, Euskadin elikadura alferrik galtzea murrizteko kontzientziazio eta ohitura falta ardatz hartuta.
Arazo horri irtenbidea bilatzeko, hainbat erakunderekin lankidetzan aritzea erabaki zuten, Mondragon Unibertsitateko Enpresagintza Fakultateko ikasleei zuzendutako kontzientziazio-hitzaldiak egiteko.
Horrela, harremanetan jarri ziren Elikaduraren Segurtasuna hobetzeko Eusko Jaurlaritzak bultzatutako Elika Zero Xahuketa proiektuarekin eta Orekarekin (enpresei elikagaien soberakinak irabazi-asmorik gabeko erakundeei ematea eskaintzen dien enpresa, prozesu seguru, garden eta automatizatu baten bidez). Ikasleek bi hitzaldi antolatu zituzten myGADE1eko ikasleentzat. Garapen Astearen barruan egin ziren, gazteak etxeetan elikagaiak xahutzeko sortzen den arazoaz kontzientziatzeko, eta horren aurkako borroka elikagaiak ekoizten eta merkaturatzen dituzten erakunde handien esku egoteaz gain, gure ohiturak jasangarriago batzuetara aldatzea guztion esku dagoela ohartarazteko.
