Mondragon Unibertsitatea Mondragon Unibertsitatea, enplegu tasa handiena duten Estatuko 10 unibertsitateen artean
Mondragon Unibertsitatea Mondragon Unibertsitatea, enplegu tasa handiena duten Estatuko 10 unibertsitateen artean
Mondragon Unibertsitatea Mondragon Unibertsitatea, enplegu tasa handiena duten Estatuko 10 unibertsitateen artean
Zerrenda hau argitaratu duen Forbes aldizkariak, Mondragon Unibertsitatearen hezkuntza-ereduaren ikuspegi praktikoa eta lan-merkatuarekin eta haren beharrekin duen lotua nabarmentzen ditu.
Forbes aldizkariak argitaratu du unibertsitate- eta hezkuntza-esparruan oro har gehien espero den rankinetako bat: Estatuko unibertsitate-ikasleen enplegagarritasunari buruzkoa.
Rankingaren arabera, Mondragon Unibertsitatea enplegu-tasa onenak dituzten Estatuko unibertsitateen “Top Ten”-ean kokatzen da, eta horrek berretsi egiten du Mondragon Unibertsitatearen prestakuntza-apustua egokia dela, bai hezkuntza-eredu praktikoari dagokionez, bai lan-merkatuaren beharretara bideratutako eskaintza akademikoari dagokionez, bai unibertsitateak enpresekin eta erakundeekin dituen aliantzei dagokienez.
Merkatuaren premiekin bat datorren eredua
Zehazki, Forbesek nabarmendu du Mondragon Unibertsitateak ikuspegi praktikoa duen eta egungo lan-merkatuaren premiekin bat datorren prestakuntza-eredu bat sustatzen duela, prestakuntza, ikerketa eta ezagutzaren transferentzia uztartuz. Era berean, aldizkariaren arabera, “balio eta ideia kooperatiboekin lotura estua duen Unibertsitatea da, eta pertsonen etorkizunarekin konprometituta dago”.
Titulazioak, Unibertsitatea eta lan-merkatua: zuzeneko harremana
Aldizkariak aipatzen duenaren arabera, Espainiako unibertsitate-tituludunak dira Europako lan-merkatuan sartzeko zailtasun handienak dituztenak, enplegu-tasa bataz bestekoa baino 7 eta 8 puntu baxuagoa baita. Hainbat azterlanen arabera, aukeratutako titulazioek edo ikasketa egiten diren unibertsitateak eragin zuzena dute Espainiako lan-merkaturako sarbidean.
Horregatik, ikasketa eta Unibertsitatea aukeratzea funtsezkoa da Espainiako gazteen etorkizun profesionalerako. Hain zuzen ere, hori da ranking honek unibertsitate komunitatean eta ikasleen eta haien familien artean garrantzi berezia hartzeko arrazoia.
Gakoa, Unibertsitatearen espezializazioa
Aldizkariak dioenez, unibertsitatearen espezializazioa ere bereizgarria eta erabakigarria izan daiteke gazteen curriculumena. Ikastetxeak zenbat eta espezializazio handiagoa izan, orduan et aukera gehiago izango ditu kaleentzat lana aurkitzeko. Horregatik, ingeniaritza desberdinak dituzten politeknikoan enplegu tasa handiena dutenen artean daude, Mondragon Unibertsitateko Goi Eskola Politeknikoaren kasuan bezala.
Ingeniaritzak, enplegagarritasun handienetakoan artean
Graduatu berrien artean enplegu-tasarik onena duten titulazioen artean Industria Ingeniaritza eta Informatika daude eta horiek dira, gainera, ikasketak amaitu berri dituztenei soldata onenak eskaintzen dizkietenak.