Euskal kultur transmisio estrategiak eskoletan nola landu aztertuko du Loraldiak Aretxabaletako campusean
Euskal kultur transmisio estrategiak eskoletan nola landu aztertuko du Loraldiak Aretxabaletako campusean
Euskal kultur transmisio estrategiak eskoletan nola landu aztertuko du Loraldiak Aretxabaletako campusean
Hezkuntza komunitateari zuzendutako Loraldia Eskolaren laugarren topaketa maiatzaren 8an egingo da “Nola landu eskoletan kultur transmisio estrategiak” izenburupean.
Loraldiak, Mondragon Unibertsitateko Humanitate eta Hezkuntza Zientzien Fakultatearekin batera, eskoletan kultur transmisioa nola landu hausnartzea, partekatzea eta elkarrekin irudikatzea helburu duen jardunaldia antolatu du maiatzaren 8rako.
Hezkuntza komunitateari zuzendutako topagunea da Loraldia Eskola 4. Topaketa eta Mondragon Unibertsitateko Humanitate eta Hezkuntza Zientzien Fakultateko Aretxabaletako campusean egingo da.
Bertan hezkuntza komunitateko esparru desberdinetan euskal kultur transmisio estrategiak nola landu aztertuko da. Helburu horrekin, ikastetxeetako zuzendaritzak zein klaustroak ahalduntzea helburu duten proposamenak edota ikasleen euskara gaitasunak indartzeko Seaskak abian jarritako paradigma aldaketa ezagutzeko aukera egongo da.
Horretaz gain, Ikasgela kulturaz blaitu edo ikastetxeko kultur praktiken diagnosia egiteko eta hobetzeko Kulturbide bezalako ekimenak ezagutzeko aukera egongo da.
Jardunaldiak irakasleak, hezkuntza-erakundeak eta euskararen erabilera nahiz kultur transmisioa sustatzen dituzten eragileak bilduko ditu. Eragile horien lankidetzatik abiatuta, esperientziak ezagutzeko, gakoak partekatzeko eta etorkizuneko bideak elkarrekin pentsatzeko aukera da.
Nola landu eskoletan kultur transmisio estrategiak? jardunaldia doakoa izango da, baina izena eman behar da.
Egitaraua
9.30-9:45 Sarrera
Mikeldi Uribe-Etxebarria, Loraldiako koordinatzailea
Xabi Igoa, Mondragon Unibertsitateko Humanitate eta Hezkuntza Zientzien Fakultateko Profesionalen Formakuntzako zuzendaria
9:45 Euskal kulturaren ongarritze abiapuntu bat hezkuntzarentzat
Josune Zabala, Eusko Jaurlaritzako Euskara eta Hizkuntzen Irakaskuntzarako Institutuko zuzendaria
10:15 Euskara jariotasunez: paradigma aldaketa Seaskan
Egoitz Urrutikoetxea, Seaskako hezkuntza zuzendaria
11:30-12:30 Mahai-ingurua: Hezkuntza komunitatean eragiteko proposamenak
Karmele Perez eta Letizia Garcia, Mondragon Unibertsitateko Humanitate eta Hezkuntza Zientzien Fakultateko irakasleak.
Miren Oteiza eta Miren Basurto, Bigarren Hezkuntzako irakasleak eta Udako Euskal Unibertsitateko "Ikasgela kulturaz blaitu" ikastaroko irakasleak.
12:30 Hezkuntzan Euskal Kultur Planak egituratzeko gakoak eta tresnak
Eneko Bidegain, Mondragon Unibertsitateko Humanitate eta Hezkuntza Zientzien Fakultateko irakaslea
Idurre Alonso, Mondragon Unibertsitateko Humanitate eta Hezkuntza Zientzien Fakultateko irakaslea
Haizea Galarraga, Euskal Herriko Unibertsitateko Gizarte Ekintzarako zuzendaria
13:15 Ondorioak eta agurra
