Julen Rosado Betolaza ikasleak BIKAIN CUM LAUDE kalifikazioa lortu zuen
Julen Rosado Betolaza ikasleak BIKAIN CUM LAUDE kalifikazioa lortu zuen
Julen Rosado Betolaza ikasleak BIKAIN CUM LAUDE kalifikazioa lortu zuen
- Tesi titulua: Digital-Twin: Milling Process Design and Modelling for Efficient Toolpaths
Epaimahaia:
- Lehendakaritza: José Antonio Yagüe Fabra (Universidad de Zaragoza)
- Bokala: Eva María Rubio Alvir (UNED)
- Bokala: Jorge Salguero Gómez (Universidad de Cádiz)
- Bokala: Madalina Calamaz (ENSAM)
- Idazkaritza: Harry Yasir Otalora Ortega (Mondragon Unibertsitatea)
Laburpena:
Fabrikazioa Europako ekonomiaren funtsezko oinarria da. Ez bakarrik lehiakortasun industrialaren iturri gisa, baita enplegua eta egonkortasun soziala sustatzeko ardatza ere delako. Produktibitatea eta eraginkortasuna gero eta gehiago areagotzen ari direnez, makina-erremintaren sektorea eraldaketa sakona jasaten ari du, digitalizazioak eta datuetan oinarritutako teknologiek bultzatuta. Testuinguru horretan, etorkizun oparoa duen garapenetako bat Biki Digitalak dira: aktibo fisikoen erreplika digitalak, produktuaren balioa hobetzen dutena. Hala nola, prozesua sakonago ulertzea ahalbidetzen dute eta arrazoitutako erabakiak hartzea errazten dute.
Nahiz eta aurrerapausoak eman diren arren, mekanizatuan Biki Digitalen integrazioa mugatua izaten jarraitzen du izaten. Gaur egun, mekanizatuko prozesuen plangintza barne ezagutzan edota arau enpirikoetan oinarritzen da maiz, eta horrek lan-estrategia kontserbatzaileak eta azpioptimoak dakartza berekin. Hutsune horri aurre egiteko, ikerketa honek fresaketa periferikoko eredu fisikoetan oinarritutako Biki Digital baten garapena landu du. Erabilera gehien dituen eta oso erabilia den mekanizazio prozesuetako bat baita.
Lan honek fresaketa-prozesuaren portaera dinamikoa aztertzean oinarritu da. Horrela, erremintaren ibilbidearen zehar —CAM software batean sortua— pieza eta erreminta beraren interakzio fisikoa analizatu da. Honekin batera diskretizazio metodo bat proposatzen da, non ibilbidea tartetan banatu den erreminta eta piezaren arteko ukitze baldintzen arabera. Proposaturiko metodoak, ibildearen zehar ematen diren fenomeno aldakorren eragina kalkulatu dezake: mozte indarrak edo erremintaren deflexioak esaterako. Hala, indar-eredu mekanistiko bat kalibratu da, zeinak txirbil-lodieraren aldaketak kontuan hartzen dituen. Eta, estrukturaren propietate dinamikoak integratuaz, erremintaren desbideratzeak eta azken geometrian izango duen eragina aurreikusteko asmoarekin. Eredua esperimentalki balioztatu da, indarrak eta mekanizatutako gainazala neurtuaz.
Azken batean, tesi honek prozesuaren diseinu digitalaren eta tailerrean mekanizatuaren arteko zikloa ixten laguntzen du. Ibilbidearen geometria, indarren kalkulua eta estrukturaren portaera dinamikoa Biki Digital ingurune batean integratuaz, lan honetan aurrera eramandako ikerketak aurrerapen bat suposatzen du prozesuen modelaketa digitalean eta oinarriak jartzen ditu prozesuaren fisika errealean oinarritutako erabakiak hartzeko.