Julen Agirre Bikuña ikasleak SOBRESALIENTE CUM LAUDE kalifikazioa lortu zuen, 'DOKTORE INTERNAZIONAL' aipamenarekin

Atzealdea

Julen Agirre Bikuña ikasleak SOBRESALIENTE CUM LAUDE kalifikazioa lortu zuen, 'DOKTORE INTERNAZIONAL' aipamenarekin

TESIA

Julen Agirre Bikuña ikasleak SOBRESALIENTE CUM LAUDE kalifikazioa lortu zuen, 'DOKTORE INTERNAZIONAL' aipamenarekin

2022·04·05

$titulo.getData()

Tesiaren izenburua: Development of a thermomechanical tester for intermediate strain rates and phenomenological modelling of microstructural evolution: Application to hot forging of Inconel 625.

Epaimahaia:

  • Presidentzia: Marc Bernacki (CEMEF Mines Paristech)
  • Bokala: Pascal De Micheli (Transvalor S.A)
  • Bokala: Pello Jimbert Lacha (EHU/UPV)
  • Bokala: Iñaki Hurtado Hurtado (Mondragon Unibertsitatea)
  • Idazkaria: Borja Erice Echavarri (Mondragon Unibertsitatea)

Laburpena:

Metalen tenperatura altuko prozesuetan ematen diren birkristaltze fenomenoek amaierako piezaren mikroegitura eta, beraz, propietate mekanikoak zehazten dituzte. Ondorioz, mikroegitura eraldaketa fenomenoak ondo ulertu eta menderatzea ezinbestekoa da tenperatura altuko fabrikazio prozesu optimoak diseinatzeko. Deformazio abiadura baxuetan (<10 s-1) metalen birkristaltze fenomenoak asko aztertu dira. Mailu-forjaketa bezalako prozesu azkarretan ematen diren deformazio abiadura handiagotan (100 s-1), aldiz, askoz azterketa gutxiago daude nahiz eta gai interesgarria izan industriarako. Honen arrazoi nagusia da laborategi makina gutxi daudela eskuragarri gai direnak abiadura ertain horietan eta tenperatura altutan (>1,000ºC) entseguak egiteko. Ondorioz, material oso gutxiren birkristaltze eboluzio aztertu da baldintza termomekaniko horietan. Hutsune hori betetzeko, ikerketa proiektu honetan Automatic Thermomechanical Tester (ATMT) izendatutako entsegu makina bat garatu da zeinak abiadura ertainetan entseguak egiteko Direct Impact Drop Hammer (DIDH) izendatutako gailua integratzen duen. Laborategi entsegu makina berriaren errendimendua balioztatu da, entseguak deformazio abiadura ertainetan eta tenperatura altutan egiteko gai dela berretsiz.

Deformazio abiadura baxu eta ertaineko konpresio uniaxial entseguak egin dira balioztatutako ATMT makinan Inconel 625 probetak erabiliz, eta horrela nikel superaleazio honen erreologia eta mikroegitura eboluzioa esperimentalki karakterizatu da. Ondorioz, Inconel 625-aren birkristaltze dinamiko eta post-dinamikoaz gain, ale hazkuntza estatikoa ere aztertu da tenperatura altuko mailu-forjaketa prozesuetan ematen diren baldintza termomekanikoetan. Datu esperimental hauek JMAK modelo fenomenologiko ezagunak kalibratzeko erabili dira, nikel superaleazio honen birkristaltze fenomenoak zenbakiz aurreikusi ahal izateko.

Amaitzeko, industriako pieza erreal baten mikroegituraren emaitza esperimentalak EFM simulazio industrial baten bidez kalkulatutako zenbakizko emaitzekin konparatu dira. Emaitzek erakutsi dute kalibratutako birkristaltze modeloek industriako mailu-forjaketa prozesu konplexuetan mikroegitura zenbakiz aurreikusteko duten abantaila eta mugak. Tesi honetan aurkeztutako lanak, tenperatura altuetan eta deformazio abiadura ertainetan ematen diren mikroegitura eraldaketako fenomeno ezezagunak argitzen lagundu du.