Industria konektatua: IT eta OT bateratzearen indarra - Mondragon Unibertsitateko Jardunaldi Teknologikoak

Industria konektatua: IT eta OT bateratzearen indarra - Mondragon Unibertsitateko Jardunaldi Teknologikoak

Mondragon Unibertsitatearen bigarren jardunaldi teknologiko honetan, GAIAk (Euskal Herriko Ezagutza eta Teknologia Industrien Elkartea), Ciscok, Ikusik eta Mondragon Unibertsitateak ITa eta OTa industrian bateratzeari helduko diote ikuspegi integral batetik. Hitzaldi teknikoen, sektore-azterketen eta kasu errealen bidez, teknologia gaitzaileek industria-inguruneak nola aldatzen dituzten aztertuko da, eta arreta berezia jarriko da konektagarritasunean, zibersegurtasunean, behagarritasunean eta sare seguru eta erresilienteen integrazioan.

Unibertsitateak, gainera, zibersegurtasun industrialean duen ezagutza- eta talentu-motorra dela erakutsiko du, eta adibide zehatzak emango ditu enpresekin lankidetzan aritzeko eta testuinguru errealetan aplikatutako prestakuntzarako. Era berean, jardunaldian “State of Industrial Networking 2024” txostena aurkeztuko da, bai eta IT&OT arrakasta kasu bat ere. Saioaren bukaera laborategian izango da switch industrialak eta segurtasun-tresna aurreratuak bezalako irtenbideetan oinarritutako saio praktikoak eginez.

2025eko uztailaren 3ko programa:

• 10:00 - Ongietorri-kafea
• 10:20 - Irekiera
  • Oihana Arrieta, GAIA Euskadiko Ezagutza eta Teknologia Industrien Elkarteko Enpresa Aliantzen arduraduna
• 10:30 - IoT eta OT seguruak: talentua, ikerketa eta transferentzia euskal industria konektatu batentzat.
  • Urko Zurutuza, Mondragon Unibertsitateko Datuen Analisia eta Zibersegurtasuna taldeko koordinatzailea
• 10:50 - Ciscoko Ponentzia Teknologikoa: “State of Industrial Networking 2024” txostenaren aurkezpena.
  • Miguel Peral, Technical Solutions Architect, IoT RTM sales EMEA at Cisco
• 11.10 – Arrakasta-kasu baten aurkezpena
• 11:30 – Erakustaldiak laborategian: IT/OT inguruneen konbergentzia.
  • Guillermo Calvo, Zibersegurtasuneko ingeniaria Ikusin
• 12:00 - Lunch Networking.