Haize Trueba eta Lander Jiménez, Acumen Academy eta Open Value Foundationen “fellow” berriak, inpaktu sozialeko proiektuengatik
Haize Trueba eta Lander Jiménez, Acumen Academy eta Open Value Foundationen “fellow” berriak, inpaktu sozialeko proiektuengatik
Haize Trueba eta Lander Jiménez, Acumen Academy eta Open Value Foundationen “fellow” berriak, inpaktu sozialeko proiektuengatik
Acumen Fellows programak sistema sozioekonomikoa eraldatu nahi du, proiektu berritzaileak garatzeko konpromisoa duten liderrak aurkituz eta bultzatuz
Acumen Academy eta Open Value Foundationek, inpaktu sozialean aitzindari diren bi fundaziok, Haize Trueba (leinnerra, KUVUren sortzailea eta zuzendarikidea) eta Lander Jiménez (Mondragon Team Academy-LEINNek Bilbon duen laborategiko team coachen taldeko kidea) hautatu dituzte, guztira Espainako 25 lider izango diren taldearen barnean Justizia Soziala sustatzeko.
Aurtengo edizioan, Espainiako bigarrenean, 300 hautagai aurkeztu dira, besteak beste, ingeniariak, kazetariak, enpresariak, administrazio publikoko teknikariak eta gizarte-ekintzaileak. Guztiek partekatzen dute, bi fundazioek diotenez, helburu amankomun bat: gizartean aldaketa sistemiko bat sortzeko erronka; berrikuntzak eginez eta ikuspegi orekatuagoak eskainiz, egungo erronka batzuk konpontzeko, berdintasunetik klima-aldaketara.
Inpaktu sozialeko ekosistemarekin zerikusia duten 40 adituk baino gehiagok osatutako epaimahaiak hautagaiak ebaluatu ditu, 2020ko Kohortea osatzen duten Fellowsen irizpideak kontuan hartuta. Hautatutako 25 kideek hainbat proba gainditu dituzte, eta hauek nabarmendu dira: taldean lan egiteko gaitasunengatik, konpromiso maila altua erakusteagatik eta taldean lan egin duten ekintzen eragina handitzeko eragin maila bikaina izateagatik.
Acumen Fellows 2007an jaio zen New Yorken, "Mundu hobe batekin amets egiteko eta errealitate bihurtzeko erabakia, irudimena eta pertseberantzia zuten munduko herrialde guztietako liderren komunitatea bultzatzeko". Jacqueline Nogratz estatubatuar enpresaburu ospetsuak sortu eta Rockfeller Fundazioak finantzatuta, programak lidergoan oinarritutako prestakuntza eskaintzen du urtero, "Gure garaiko arazo sozial konplexuenei irtenbideak emateko gaitasunak bultzatzeko". Espainian, Open Value Fundazioak, Maria Angeles Leonek sortutakoak, bigarrenez babesten du ekimen hau, eta mentoria eta prestakuntza proiektua finantzatzen laguntzen du.
700 aldaketa-agente baino gehiago mundu osoan
Fellows-ak bost kontinenteetako herrialdeetan lan egiten duten 700 aldaketa-agentez osatutako komunitate bateko kide dira. Fellow bakoitzak gidatzen dituen ekimenen bidez, gaur egun zortzi milioi pertsona baino gehiago ari dira onurak jasotzen. Acumen Academyk lider horien ekintza egokiak zabaltzen ditu, beren komunitateetan benetako erreferenteak baitira.
Gure ondoan dagoen pertsonarekin enpatia izateko gai bagara bakarrik izango gara gai elkar ulertzeko eta konponbide eraginkor eta iraunkorrak eraikitzeko, Justizia Sozialak ez dezan datarik behar gauzek nolakoak izan beharko luketen gogorarazteko.
