GALAXIA programaren lehen edizioa arrakastaz amaitu da, STEM bokazioak sustatzeko helburuarekin
GALAXIA programaren lehen edizioa arrakastaz amaitu da, STEM bokazioak sustatzeko helburuarekin
GALAXIA programaren lehen edizioa arrakastaz amaitu da, STEM bokazioak sustatzeko helburuarekin
Mondragon Goi Eskola Politeknikoak parte hartu duen ekimenak Bizkaiko ikastetxeetan STEM orientazioa indartzeko baliabideak eta metodologia berriak garatu ditu.
GALAXIA programaren lehen edizioari amaiera eman zaio itxiera jardunaldi batekin. Ekimenaren helburua DBHko 3. eta 4. mailako ikasleen artean STEM (Zientzia, Teknologia, Ingeniaritza eta Matematika) bokazioak sustatzea eta ikastetxeetako orientazio lana indartzea izan da.
Bizkaiko Foru Aldundiaren Bizkaia with the Talent estrategiaren barruan garatutako proiektua Innobasquek koordinatu du, eta Mondragon Unibertsitatea, Deustuko Unibertsitatea, HETEL, Ikaslan eta Berritzeguneen lankidetza izan du.
Mondragon Goi Eskola Politeknikoak proiektuan parte hartu du STEM orientaziorako baliabideak eta metodologiak garatzen, gazteei etorkizuneko aukera profesionalak hobeto ezagutzeko tresnak eskaintzeko helburuarekin. Programaren bidez, ikastetxeek erabilerarako prest dauden jarduerak, autoezagutzarako tresnak eta STEM profesionalekin harremana izateko aukerak izan dituzte.
Itxiera saioan lehen urteko emaitzak aurkeztu ziren, eta proiektuak Bizkaiko ikastetxeetan izan duen harrera positiboa azpimarratu zen. Era berean, ekimenak datozen ikasturteetan jarraipena izango duela nabarmendu zen, STEM bokazioak sustatzen eta gazteen orientazio akademiko eta profesionala indartzen jarraitzeko.