‘Euskal kultura gaur eta bihar’ jardunaldiaren laugarren edizioa Aretxabaletan egingo da, otsailaren 25ean eta 26an
‘Euskal kultura gaur eta bihar’ jardunaldiaren laugarren edizioa Aretxabaletan egingo da, otsailaren 25ean eta 26an
‘Euskal kultura gaur eta bihar’ jardunaldiaren laugarren edizioa Aretxabaletan egingo da, otsailaren 25ean eta 26an
Mondragon Unibertsitateko Humanitate eta Hezkuntza Zientzien Fakultateko Aretxabaletako campusean izango da jardunaldia, otsailaren 25an eta 26an. Aurrez hiru edizio izan dituen Euskal Kulturaren Eragiletza masterreko jardunaldiei jarraipena emango die hemendik aurrera 'Euskal kultura gaur eta bihar' jardunaldiak.
- Izen-ematea: ’Euskal kultura gaur eta bihar'
2026ko otsailaren 25ean eta 26an, ‘Euskal kultura gaur eta bihar’ jardunaldia egingo da Mondragon Unibertsitateko Humanitate eta Hezkuntza Zientzien Fakultateko Aretxabaletako campusean. IdeiEnea aretoan izango da jardunaldia.
Jardunaldiaren helburua euskal kulturaren egoeraren eta erronken inguruan hausnartzea da. Izan ere, jardunaldiaren lehen egunean, astezkenean, hezkuntzan euskal kulturaren egoera izango dute eztabaidagai parte-hartzaileek. Ostegunean, berriz, Kultur eta Sormen Industrien egoeran eta erronketan sakonduko dute hizlariek.
Kultura, fakultatearen 50. urteurreneko otsaileko egitarauaren ardatza
Aurten 50. urteurrena ospatzen ari da Humanitate eta Hezkuntza Zientzien Fakultatea, eta urte osoko egitaraua antolatu du hori ospatzeko, ikasketetan eta ikerketan lantzen diren arloetan banatuta: kultura izango da otsaileko gai nagusia.
Ikasketetan, ikerketan zein transferentzian fakultatearen gai ardatzetako bat da kultura; eskaintza akademikoan ere leku berezia du euskal kulturak. Bederatzi ikasturtez egin zen Euskal kulturgintzaren transmisioan Aditu Diploma, eta hazi hartatik sortu zen dagoneko hirugarrenez martxan den Euskal Kulturaren Eragiletza Masterra. Euskal kulturaren galdera eta beharrizan konkretuei erantzunez, arlo desberdinetan euskal kulturaren eragileak formatzea da masterraren helburua. Kultur eta Sormen Industrietan aritzeko propio prestatutako profesionalak prestatzeko Kultur eta Sormen Industriak gradua ere abian jarri du fakultateak 2025-2026 ikasturtean. Euskal Herriko testuingurua ezagututa, eta nazioarteko esperientzia eskuratuta, bitartekaritzan eta ikusizko arteetan, modan eta diseinuan edo musikan eta eszenan espezializatzeko aukera dute ikasleek.
Euskal Kulturaren Eragiletza Masterreko emaitzak
Gainerako hizlariekin batera, egitarauan parte hartuko dute Euskal Kulturaren Eragiletza Masterreko hainbat ikasle ohik, Master Bukaerako Lanetan egindako ikerketa-lanak eta proposamenak aurkeztuz. Hain zuzen ere, kultur ekitaldien programazioarekin eta kultur eskaintzarekin lotutako lanak izango dira.
Jardunaldia irekia eta doakoa da, baina interesatuek aldez aurretik eman beharko dute izena, otsailaren 20a baino lehen. Bi egunetarako zein egun bakarrerako eman daiteke izena.
- Izena emateko: ’Euskal kultura gaur eta bihar'
Otsailaren 25a, asteazkena
09:00 Ongietorria
09:15 ‘Etorkizuneko irakasleak euskal kulturan formatzen’. Ibai Iztueta eta Idurre Alonso
10:15 ‘Sormena hezkuntzan, kultura biziberritzeko arnas’. Xabier Salaberria, Arantxa Hirigoien, Izaskun Eguilegor, Olaia Miranda. Moderatzailea: Onintza Etxebeste
11:30 Atsedena. Kafea
12:00 ‘Herri-kultura Hezkuntzan: edukiak, balioak eta jarrera’. Oier Araolaza, Mikel Artola, Haritz Garmendia. Moderatzailea: Jon Sarasua
13:30 Etena
15:00 ‘Herri zapaldu baten kulturaren transmisioa Hezkuntzan; Kataluniako begirada’. Júlia Ojeda. Aurkezlea: Cira Crespo
15:45 ‘Euskal pentsamendua: aurrera begira zer?’. Ana Urkiza, Markel Olano, Joseba Agirreazkuenaga, Iñaki Zabaleta. Moderatzailea: Jon Mentxakatorre
17:15 Kantaldia: June Iraola eta Olaia Castro
Otsailaren 26a, osteguna
09:00 ‘Euskal kultura “salgai”?’. Odei Barroso, Amets Aznarez, Iñigo Etxezarreta. Moderatzailea: Sara Iriarte
10:30 Elkarrizketa: Ximun Fuchs Elkarrizketatzailea: Ane Zuazubiskar
11:30 Atsedena. Kafea
12:00 Mahai-ingurua. ‘Zein da Euskal Herriko musikagintzaren argazkia?’ Thierry Biscary, Ruth Manzano (Musika Bulegoa). Moderatzailea: Arkaitz Biain
13:30 Etena
15:00 ‘Kultura-politikak eta herri-ekimenak’. Jon Agirresarobe, Johañe Etxebeste, Karmelo Landa, Jaime Otamendi. Moderatzailea: Eneko Bidegain
16:15 ‘Programazio nazionalerako bideak’. Naroa Etxeberria eta Asier Galarza
16:45 ‘Aiaraldea Ekintza Faktoriaren kultur eskaintza’. Maider Ramirez eta Arkaitz Uranga
17:45 Bakarrizketa: Idoia Torregarai
