MBA Executive programaren XV. edizioko diplomak banatu ditugu Gipuzkoako Ganberan
MBA Executive programaren XV. edizioko diplomak banatu ditugu Gipuzkoako Ganberan
MBA Executive programaren XV. edizioko diplomak banatu ditugu Gipuzkoako Ganberan
Joan den asteartean, Mondragon Unibertsitateko Enpresagintza Fakultatearen eta Gipuzkoako Ganberaren arteko lankidetzarekin antolatutako MBA Executive-ren XV. edizioaren amaiera-ekitaldia ospatu genuen. Ekitaldian parte-hartzaileak, irakasleak eta erakundeetako ordezkariak bildu ziren
Ekitaldia Mauricio Arreguik, Gipuzkoako Ganberako presidenteak, eta Vicente Atxa, Mondragon Unibertsitateko errektoreak, zuzendu zuten. Bi ordezkariek azpimarratu zuten programaren ibilbidea 2009an abian jarri zenetik eta bi erakundeen konpromisoa, ikuspegi eraldatzailea duten enpresa liderrak prestatzeko.
Oraingoan, hitzaldi nagusia Borja Ibarrondok eman zuen, SALTO Systems-eko Garapen Industrial Globaleko arduradunak. Enpresa hau Gipuzkoako Ganberak Gipuzkoako Urteko Enpresa 2025 izendatu du, sarbideen kontrol aurreratuan duen lidergo globalagatik, berrikuntzarekiko duen apustuagatik eta gizartearekiko eta jasangarritasunarekiko konpromisoagatik.
Ondoren, edizio hau arrakastaz amaitu duten profesionalen diplomen banaketa egin zen. Parte-hartzaileek sektore askotatik datoz eta ardurazko postuak betetzen dituzte beren erakundeetan. Masterrean zehar, enpresaren funtsezko arloetan sakondu dute (Estrategia, Finantzak, Pertsonak, Marketina, Berrikuntza, Eragiketak...), eta baita lidergo gaitasunetan ere, egonaldien eta jarduera praktikoen bidez.
MBA Executive erreferente bihurtu da lan-esparrutik aldendu gabe karrera profesionala bultzatu nahi dutenentzat, ikuspegi praktiko, diziplina-anitzeko eta egungo erronketara egokitua eskaintzen baitu.
MBA Executive-aren edizio berria
Edizio berria urrian hasiko da, eta izena emateko epea zabalik dago.
Gainera, informazio-saio bat egingo da Donostia-San Sebastián-en, 2025eko uztailaren 17an, 18:00etatik 19:00etara.
Izena emateko eta informazio gehiago eskuratzeko: https://www.mondragon.edu/cursos/eu/mba-executive-eus