2018-2019 kurtsoko emateak
CIRMET proiektuaren ematea
CIRMET proiektuaren ematea
Europar Batzordeak CIRMET, Innovative and efficient solution, based on modular, versatile, smart process units for energy and resource flexibility in highly energy intensive processes proiektua finantziatu du, H2020-NMBP-ST-IND-2018-2020 deialdiaren barruan, 820670 erreferentziarekin.
Web orria
Informazio orokorra
- Hasiera eta amaiera datak: 2018ko urriak 1 - 2022ko martxoak 31
- Onartutako aurrekontua guztira eta EBren diru-laguntza: 10.185.820,75 € eta 7.012.782,85 €
- Proiektua koordinatzen duen enpresa: FUNDACIÓN TECNALIA RESEARCH & INNOVATION (Espainia)
Helburua
Proiektuaren helburua, irtenbide berritzailea diseinatzea, garatzea eta balioztatzea da, CIRMET izenekoa, Energi Erabili Intentsiboa duten Industriei (EII) energia eta baliabideen malgutasuna emateko.
CIRMET soluzioa ingurune operatiboan (TRL7) balioztatuko da, existitzen den planta prozesatzaile batean (sektore ez-ferrosoa), eta aldiz, soluzioaren erreplikatzeko gaitasuna, energiaren erabilera intentsiboa duten beste hiru sektoretan ebaluatuko da (altzairua, zementua eta uraren sektorea). Helburu horrekin, hiru baliabide erakusgarri berri eraikiko dira, dagoeneko existitzen den prozesu industrialerako unitatea berregokitzeaz gainera. Baliabide erakusgarri edo modulu berri horiek honako hauek izango dira: EFFILMET labea, industriako hondakinen tratamendurako prozesu-unitate modular eta malgurako kontzeptu berria; RECUWASTE beroa berreskuratzeko unitatea, errekuntza-gasen beroa berreskuratzeko eta bero hori, aire konprimitu bihurtuta instalazio berberean erabili ahal izateko, horrez gain, energia soberakina biltegiratzeko aukera ematen duena, eta AFF40 (Analytic For Factory 4.0) plataforma, prozesu-unitateen kontrolaren eta optimizazioaren bitartez, prozesatzeko instalazioaren lehiakortasuna, zein energia eta baliabideen eraginkortasuna handitzen dituena. Existitzen den prozesu-unitate bat berregokituko da (Metallo S.L. prozesamendu labea), CIRMET soluzioa bere osotasunean ezartzeko eta balioztatzeko.
Partzuergo orekatu batek, mundu akademikoko, ikerketa erakundeetako, enpresa txiki eta ertainetako eta energiaren erabilera intentsibo egiten dutren industrietako kidez osaturik, bermatu egingo du proiektuaren helburuak lortzeko beharrezkoa den balio kate guztia, eta bidea prestatu etorkizunean irtenbidea ustiatu ahal izateko. Partzuergoak badu beste helburu garrantzitsu bat: proiektuaren emaitzen berri behar bezala ematea biztanle eta langileen belaunaldi honi, eta baita hurrengoari ere, eta horretarako partzuergoko hezkuntza/prestakuntza arloko adituek erabilera malgua izango duten ikasteko baliabideak garatuko dituzte.