Kooperatiben komunikazioa modernizatzeko COMUNICOOP proiektuan parte hartzen du Mondragon Unibertsitateko Humanitate eta Hezkuntza Zientzien Fakultateak
Kooperatiben komunikazioa modernizatzeko COMUNICOOP proiektuan parte hartzen du Mondragon Unibertsitateko Humanitate eta Hezkuntza Zientzien Fakultateak
Kooperatiben komunikazioa modernizatzeko COMUNICOOP proiektuan parte hartzen du Mondragon Unibertsitateko Humanitate eta Hezkuntza Zientzien Fakultateak
Mondragon Unibertsitateko Humanitate eta Hezkuntza Zientzien Fakultateak COMUNICOOP proiektuan parte hartzen du beste bost kooperatibekin batera. COMUNICOOPen helburu nagusia kooperatibetako barne-komunikazioa hobetzea da, parte-hartzea eta ongizatea ardatz hartuta eta gardentasuna eta antolaketa-kultura indartuz.
Helburu horrekin, proiektuak gizarte-ekonomiako erakundeen barne-komunikazioa optimizatu nahi du, metodologia berriak, tresna digitalak eta irtenbide teknologiko kolaboratiboak garatuz, enpresa kooperatiboen barne-komunikazioa hobetuko duten digitalizazio-estrategia eraginkorrak hedatzeko. Ikerketa aplikatuaren, digitalizazioaren eta adimen artifizial etikoaren bidez, proiektuak eredu berritzaileak sortu nahi ditu, kide izatearen zentzua, eraginkortasun kolektiboa eta lidergo kooperatiboa indartzeko.
Eraldatzeko bokazioa duten sei kooperatiben aliantza
Proiektuan komunikazioa, berrikuntza, hezkuntza, garapen teknologikoa eta ingeniaritza arloko erreferentziazko sei kooperatibak hartzen dute parte. Hala nola ARTEMAN. Coop, enpresa kooperatiboa, komunikazio-zerbitzuak ematen espezializatua, batez ere barne-izaerakoak; LKS S. Coop., enpresa-zerbitzu aurreratuak eskaintzen dituen enpresa-talde baten matrizea, antolaketa-transformazioan eta transformazio digitalean; MISE S. Coop., MONDRAGON Korporazioari lotutako bigarren mailako kooperatiba, ingeniaritzaren eta enpresa-zerbitzuen sektoreko enpresak biltzen dituena; ISEA S. Coop., enpresa-berrikuntzako eta -lehiakortasuneko ikerketa- eta bikaintasun-zentroa, zerbitzu aurreratuetan eta ekintzailetzan espezializatua; LANKI Kooperatibismoaren Ikertegia, kooperatibagintzaren arloan ikerkuntzan eta aholkularitzan espezializatua; Mondragon Unibertsitateko Humanitate eta Hezkuntza Zientzien Fakultatea, hezkuntzan eta komunikazioan ibilbide luzea duena eta ADUR S. Coop., Gipuzkoako PYME, softwarearen garapenean eta prozesuen kudeaketan espezializatua.
Finantzatutako proiektua
COMUNICOOP proiektua Ehun Ekonomiko Inklusibo eta Iraunkorra Sortzeko Gizarte Ekonomia Bultzatzeko Plan Integralak finantzatu du, Berreskurapena, Eraldaketa eta Erresilientzia (PRTR), Europar Batasunak finantzatua, NextGenerationEU funtsen bidez.
