BME eta BBF Fintech-ek Hack&Disrupt! ekimenaren bigarren edizioa kaleratuko dute, eta, horri esker, Bilbo egonkortu egingo da fintech berrikuntzarako zentro gisa
BME eta BBF Fintech-ek Hack&Disrupt! ekimenaren bigarren edizioa kaleratuko dute, eta, horri esker, Bilbo egonkortu egingo da fintech berrikuntzarako zentro gisa
BME eta BBF Fintech-ek Hack&Disrupt! ekimenaren bigarren edizioa kaleratuko dute, eta, horri esker, Bilbo egonkortu egingo da fintech berrikuntzarako zentro gisa
Bilboko hackathonean, apirilaren 1ean eta 2an irtenbideak bilatuko zaizkie finantza jasangarriei buruzko erronkei, eta 5.000 euro banatuko dira sarietan
Iazko arrakastaren ondoren, BME eta BBF Fintech-ek Hack&Disrupt! ekimenaren nazioarteko bigarren edizioa antolatuko dute apirilaren 1ean eta 2an. Fintech eta insurtech hackathonean irtenbideak bilatuko zaizkie finantza jasangarriari buruzko erronkei. Hitzordua Bilboko Burtsan antolatuko da, Bilbao Berrikuntza Faktoriaren (BBF) egoitzan. Ekitaldian enpresa, ikasle, start-up eta ekintzaileak bilduko dira erronka teknologikoei irtenbideak bilatzeko asmoz. Topaketan, 5.000 euro banatuko dira sarietan.
Ostiralean, apirilak 1, erakundeetako ordezkariek ekitaldiari emango diete hasiera 12:30ean, eta honako hauek izango dira bertan: Javier Hernani, BMEko kontseilari ordezkaria; Ainara Basurko, Ekonomia Sustatzeko diputatua; Xabier Ochandiano, Bilboko Udaleko Garapen Ekonomiko, Merkataritza eta Enpleguko zinegotzia, eta Lander Beloki, Mondragon Unibertsitateko Enpresagintza Fakultateko dekanoa.
Ondoren, mahai-inguru bat antolatuko da: “Finantza etikoak balio-proposamen gisa”. Bertan bilduko dira Berta Ares, BME Inntech-eko zuzendari nagusia; Nora Sarasola, BBK Fundazioko Gizarte Ekintzako zuzendaria, eta Óscar Ugarte, Seed Capital-eko zuzendaria. Bestalde, 13:45ean, Mikel Garcia-Prietoren hitzaldiari emango zaio hasiera (Triodos Bank España).
Erronkak 16:30ean aurkeztuko dira Bilbao Berrikuntza Faktorian, eta, gero, talde-banaketa eta esperientzien mahaia egingo dira, non prestakuntza- eta mentoretza-saioak antolatuko diren. Apirilaren 2an, espazio horretan bertan, irtenbideak aurkeztuko zaizkio epaimahaiari (17:00etan), sariak banatuko dira (18:00etan) eta networking eta amaiera informala egingo dira (19:00etan).
BBF Fintech inkubagailua 3 urteko ibilbidea duen ekimen publiko pribatua da, Bildoko Udalak, Bizkaiko Foru Aldundiak Beaz-en bidez, Mondragon Unibertsitateak eta Dominioek sustatua. Honen helburua finantzen eta teknologiaren inguruko negozio berriak inkubatzea da, baita lehendik dauden arlo horretako enpresak bizkortzea ere. Hauexek izango dira Hack&Disrupt! ekimenaren bigarren edizio honetako kolaboratzaileak: Bilbao Plaza Financiera, Bilboko Udala, BBK, Mondragon Team Academy eta Bizkaiko Foru Aldundia.
Informazio gehiago behar baduzu eta ekitaldian izena eman nahi baduzu, jo esteka honetara.