Amazonen Aprendices programak, Mondragon Goi Eskola Politeknikoarekin elkarlanean garatutakoak, Lanbide Heziketako Bikaintasunaren 2026ko Saria jaso du
Amazonen Aprendices programak, Mondragon Goi Eskola Politeknikoarekin elkarlanean garatutakoak, Lanbide Heziketako Bikaintasunaren 2026ko Saria jaso du
Amazonen Aprendices programak, Mondragon Goi Eskola Politeknikoarekin elkarlanean garatutakoak, Lanbide Heziketako Bikaintasunaren 2026ko Saria jaso du
Sariak prestakuntza akademikoa eta enpresako esperientzia uztartzen dituen Lanbide Heziketa Dualeko eredua aitortzen du. Programak dagoeneko 138 ikasle prestatu ditu.
Amazonen Aprendices programak, Mondragon Goi Eskola Politeknikoa prestakuntza-zentro gisa parte hartzen duenak, Lanbide Heziketako Bikaintasunaren 2026ko Saria jaso du. Saria Fundación Bertelsmann eta Fundación CEOE erakundeek eman dute, eta epaimahaiak programa honek Lanbide Heziketa Dualaren bidez lan-merkatuaren beharrei kalitatez eta berrikuntzaz erantzuteko duen gaitasuna nabarmendu du.
Abian jarri zenetik, programak 138 ikasleri prestakuntza eskaintzea ahalbidetu du, besteak beste, Mekatronika Industriala eta Sareko Sistema Mikroinformatikoak zikloetan. Ikasleek Mondragon Goi Eskola Politeknikoan jasotzen dute prestakuntza akademikoa, eta, aldi berean, Amazonen zentro logistikoetan esperientzia profesionala eskuratzen dute.
Prestakuntza-ereduak enpresaren eta ikastetxearen arteko lankidetza estuan oinarritzen da. Horri esker, ikasleek benetako lan-ingurune batean gaitasun teknikoak eta zeharkakoak garatzen dituzte, Lanbide Heziketako titulazio ofiziala lortzen duten bitartean.
Mondragon Goi Eskola Politeknikoaz gain, programan Xaloc Formació Professional eta Alemaniako Merkataritza Ganbera Espainian ere parte hartzen dute. Erakunde horiek guztiek, Amazonekin batera, Espainiako Lanbide Heziketa Dualaren erreferente bihurtu den ekimena sustatzen dute.
Aitortza honek azken urteotan egindako elkarlanaren balioa azpimarratzen du, eta berriro erakusten du hezkuntza-erakundeen eta enpresen arteko lankidetza funtsezkoa dela industriaren eta eraldaketa teknologikoaren erronkei erantzuteko prestatutako profesionalak hezteko.