Zure ikerketa ebaluatu eta akreditatu

ZURE IKERKETA EBALUATU ETA AKREDITATU

Bibliotekak irakasleria eta ikerketa pertsonalari laguntza eskaintzen dio ikerketaren ebaluazio eta akreditazio prozesuetan.

Adierazleak aurkitzen, zure argitalpenen kalitate-ebidentziak lantzen eta zure ekoizpen zientifikoaren alderdirik garrantzitsuenak laburbiltzen eta nabarmentzen lagun diezazukegu.

Hurrengoetan laguntzen dizugu:

  • argitalpen zientifikoen kalitatea ezagutzen
  • zure lanen pozisionamendua hobetzeko non argitaratu aukeratzen
  • zure argitalpenen kalitatearen ebidentziak eta zantzuak aurkitzen
  • argitaratzen duzun aldizkarien eragin-faktorea bilatzen
  • zure ekarpenen eragina eta ikusgarritasuna neurtzen
  • zure argitalpen bakoitzak jasotako aipamenak aurkitu eta aztertzen
  • ikertzaile bezala sortutako ekoizpenaren kalitatea neurtzen

Jarri harremanetan zure Fakultateko Bibliotekarekin gai hauetako edozeinetan informazio eta aholkularitza pertsonalizatua jasotzeko.

Gainera, Bibliotekak zure ekoizpen zientifikoa jasotzen du bere datu-baseetan, eta adierazle bibliometrikoei buruzko informazioa gehitzen dio, ekarpen zientifikoen kalitatea eta eragina modu pertsonalean zein instituzionalean neurtzeko. Informazio horrek automatikoki elikatzen du CV aplikazioaren ekoizpen zientifikoaren atala, eta, laster, ekoizpen zientifikoaren atala zure ORCID identifikatzailean. Horregatik, oso garrantzitsua da zure ekoizpen zientifikoa inprimaki honen bitartez bidaltzea.