Irakasleentzako Gradurako Egokitze Kurtsoak

Irakasle ikasketetan diplomatuak direnentzat, Gradurako Egokitze Kurtsoa online egiteko aukera, derrigorrezko tutoretza-saio presentzialekin.

Gaia
Hezkuntza
Tokia
Aretxabaleta
Hizkuntzak
Euskara
Modalitatea
Online

Helburuak

Ikasketa hauen helburua da irakasle ikasketetan diplomatuak direnei, Gradu titulua online lortzeko aukera ematea.

Ikasketak eta lana uztartzea ahalbideratzen duen online modalitate horretan,  derrigorrezkoa da era presentzialean egitea tutoretza-saioak.

Nori zuzendua

Irakasle ikasketetan diplomatuak, hau da, irakasleak izan behar dira. Hauetariko titulu baten jabe izan behar da:

  • Irakasle titulua, espezialitatea edozein dela ere. (RD 1440/1991).
  • Oinarrizko Hezkuntza Orokorreko irakasle titulua, espezialitatea edozein dela ere.

Metodologia

  • Eredu berritzailea.
  • Pertsona ardatz.
  • Konpetentzietan oinarritutako ikaskuntza.
  • Metodologia aktiboetan oinarritutako ikaskuntza.

Egutegia

Saio presentzialak materiako irakasleekin, Humanitate eta Hezkuntza Zientzien Fakultatean (Aretxabaletako campusean) izango dira bi astetik behin, astearte edo ostegunetan, arratsaldeko 18:30etatik 21:00etara.

Entzumena eta Mintzaira aipamenaren kasuan, saio presentzialak Aretxabaletako campusean izango dira, ostiral arratsaldez  (17:00etatik 21:00etara) eta larunbat goizez (09:00retatik 14:00etara).

Matrikula

Inskripziorako epea 2018ko azaroaren 5etik 2019ko ekainaren 28ra izango da. Ez-ohiko epea 2019ko ekainaren 29tik irailaren 6ra.

Izen ematea

Hau da hautatze prozesuan sartzeko nahitaez atxiki beharreko dokumentazioa:

  • Diplomaturako titulua eta ikasketen espediente akademikoa.
  • Hizkuntzen-maila egiaztatzen duten agiriak (euskara C1 eta ingelesa B1).
  • Irakaskuntzako lan-eskarmentua egiaztatzen duten agiriak.

Dokumentazioa atxikitzeko azken eguna: 2019ko ekainaren 28a. Dokumentazioa inskripzioa egin den aplikazioan atxiki behar da.

Onartuen jakinarazpena uztailaren 2an egingo da.

Matrikula datak: uztailak 4.

 

Koordinazioa

Ainara Imaz

Ate irekiak

  • Apirilak 6, larunbata, 11:00 (Aretxabaletako Campusa (Otalora, 29. Aretxabaleta).
  • Ekainak 13 Osteguna 18:00 (Aretxabaletako Campusa (Otalora, 29. Aretxabaleta).
Zatoz gu ezagutzera!

Antolamendua

  • Bertitulazioa. Jatorrizko diplomaturaren espezialitatean gradua lortzea:
    • Iraupena: ikasturte bat (36 ECTS)
  • Aipamen aldaketa. Jatorrizko diplomaturatik espezialitatetik Graduko beste aipamen batera.
    • Iraupena: ikasturte bat (66 ECTS)
  • Gradu aldaketa. Jatorrizko diplomaturatik beste etapako gradura.
    • Iraupena: Bi ikasturte (88, 90, 93 edo 96 ECTS)

Onarpen baldintzak eta prozesua

Inskripzioa egiterakoan egiaztatu behar diren hizkuntza-mailak hurrengoak dira:

Euskara-maila: C1

C1 maila egiaztatzen ez dutenei hizkuntza-proba bat egingo zaie (47/2012 DEKRETUA, apirilaren 3koa).
Probaren tasa 50 €-koa izango da.

Ingeles- maila: B1

B1 maila egiaztatzen ez dutenei hizkuntza-proba bat egingo zaie (Orden ECI/3857/2007; Orden ECI/3854/2007).
Probaren tasa 50 €-koa izango da.

Nola egiaztatzen da hizkuntza-maila?

Euskara

  • EGA agiria edo dagokion Hizkuntza eskakizuna (Administraziorako PL3; Hezkuntzarako PL2)
  • Humanitate eta Hezkuntza Zientzien Fakultatean diplomatura eginda edukitzea
  • Diplomatura Humanitate eta Hezkuntza Zientzien Fakultatean egin ez bada, baina bai euskaraz, 47/2012 DEKRETUAk dioenaren arabera

Dekretuaren erreferentzia.

Ingelesa

  • Humanitate eta Hezkuntza Zientzien Fakultatean diplomatura eginda edukitzea
  • PET, FIRST edo goragoko egiaztagiria


Aginduen erreferentzia.

Lehen Hezkuntzako Atzerriko Hizkuntzaren ibilbiderako hasierako hizkuntza-eskakizuna beste ibilbideen berdina bada ere, ikasketen bukaeran, berriz, B2 mailaren akreditazioa beharko da lanean aritzeko (RD 1594/2011).

Dekretuaren erreferentzia.

Materiak edo ikasgaiak euskaraz egingo dira. Salbuespenak:

  • Lehen Hezkuntzako 1. eta 3. multzoetako kurtsoetan ingelesez materia bat dago.
  • Haur Hezkuntzako 1. multzoko kurtsoan ingelesez 2 materia daude, eta 3. multzoko kurtsoan, bat.
  • Atzerriko Hizkuntzako ibilbideko materia espezifiko guztiak ingelesez egingo dira.

Ibilbideak

  • Haur Hezkuntza gradua
    • Haur Hezkuntza
    • Atzerriko Hizkuntza
  • Lehen Hezkuntza gradua
    • Lehen Hezkuntza
    • Atzerriko Hizkuntza
    • Hezkuntza Berezia
    • Heziketa Fisikoa
    • Entzumena eta Mintzaira. BERRIA!

Kredituen aitortza

Kredituen aitortza kasuz kasu aztertuko da.

Ezinbestekoa izango da ikastetxeko zuzendariaren egiaztagiria, edo, eskaini den Hezkuntza Erakundeko organo eskudunak egiaztatutako zerbitzu-agiria aurkeztea. Egiaztagiri horietan, ezinbestean azaldu beharko dira: eskainitako zerbitzuaren hasierako eta bukaerako eguna, etapa edo maila eta ibilbidea.

Prezioa

2019-20 ikasturterako prezioa:

  • Sarrera kuota: 900 €
  • Kreditu bakoitzaren prezioa:  90 €

 

Prezio hauek behin-behinekoak dira, Errektore Kontseiluaren onarpenaren faltan.

Ordainketa: Matrikula egiterakoan sarrera kuota ordainduko da. Ikasturte horren kredituen kopuruari dagokion zenbatekoa kuotatan ordainduko da.

Informazio gehiago

Jone Rodriguez

Emaila:

Telefonoa: 600 03 49 46