Profesionalen prestakuntza

Online Ingeniaritza Mekanikoko gradura egokitzapen ikastaroa

ECTS/orduak

67.5 ECTS

Egutegia

Galde egiguzu

Hizkuntza

Gaztelania

Modalitatea

Online

Prezioa

4.600 €

Aurkezpena

Ingeniaritza Teknikoa Gradura egokitzeko ikastaroaren bidez, Mekanikan Ingeniari Tekniko titulua duten eta gutxienez bi urteko lan-esperientzia duten profesionalei aukera eman nahi zaie euren titulazioa Europako Goi-mailako Hezkuntza Esparrura egokitzeko.

Helburuak

Ingeniari tekniko titulua duten egresatuentzako prestakuntza, Graduko titulua lor dezaten.

Ingeniaritza Tekniko Mekanikoa Gradura egokitzeko ikastaroa lan-esperientzia duten profesionalentzat bereziki antolatutako ikastaroa da. Horri esker, hau lortuko duzu:

  • Europako Goi Mailako Hezkuntza Esparru berrira egokitutako titulazioa izatea.
  • Malgutasunez eta zure beharren arabera ikastea eta trebatzea.
  • Zure lanbidean egunean egotea.

Ingeniari mekanikoek berrikuntza- eta garapen-lan handia egiten dute euren herrialdeetan. Gainera, pertsonen segurtasuna bermatzen dute.

Ingeniari mekanikoek makinatzat ezagutzen ditugun gauza guztiak –alegia, mugimendua duten edo energia sortzen/ekoizten duten gauza guztiak– egin eta ustiatzen dituzte. Esate baterako, hegazkinen eta autoen xasisak eta motorrak, medikuntzarako tresnak, hondeamakinak, makina-erremintak, ikuzgailuak, bizikletak, etab.

Proiektu horiek gauzatzeko, ingeniari mekanikoak talde-lanean aritzen dira aktiboki, eta proiektuko jarduerak, giza baliabideak eta materialak koordinatu eta zuzentzen dituzte.

Nori zuzendua

Ingeniaritza Teknikoa Gradura egokitzeko ikastaroa Mekanikan Ingeniari Tekniko titulua duten eta gutxienez bi urteko lan-esperientzia duten profesionalentzat da, lana eta ikasketak malgutasunez eta norberaren denboraren arabera bateratzeko aukera izan dezaten.

Mondragon Unibertsitateak  Ingeniaritza Tekniko Mekanikoa Gradura egokitzeko eskainitako ikastaroa ofiziala da, eta ANECAk homologatzen du.

Ikastaroa egiten dutenek Europako Goi-mailako Hezkuntza Esparrura (EGHE) egokitutako titulua lortu ahal izango dute, baina ez dute lanbide-eskumen gehiago izango industria-ingeniari tekniko titulazioagatik dituztenak baino.

Programa

Ikasketa-planean, irakasgai hauek daude:

IRAKASGAIA MOTA ECTS
Kimika OP 6
Ingeniaritza termikoa DE 4.5
Eragingailu elektrikoak DE 4.5
Elektronika eta automatika DE 6
Ingurumen-ingeniaritza DE 4.5
Diseinu mekanikoa DE 4.5
Makinen diseinua eta entsegua DE 4.5
Industria-jariakinen sistemak DE 4.5
Materialen ingeniaritza DE 4.5
Kalitate-ingeniaritza DE 4.5
Oinarri metodologikoak DE 6
Produkzio-ingeniaritza DE 3
GBL GBL 12
KREDITUAK GUZTIRA   69

Metodologia

Ikastaroa online emango da. Horretarako, baliabide hauek erabiliko dira:

  • Online edukiak dituen Moodle plataforma.
  • Ikasgela birtuala, astean behingo tutoretzarako.
  • Zuzeneko komunikazioa irakaslearekin, posta elektronikoz, telefonoz edo bideokonferentziaz.
  • Foroak eta txatak.

Egokitze-ikastaroak bi fase ditu. Lehen fasean, egin beharreko irakasgaiak garatzen dira, eta irakasgaiak gainditu ondoren, bigarren fasean, gradu-bukaerako lana egin behar da.

Gradu-bukaerako lana enpresan bertan egin ahal izango da, betiere, hori ezartzen bada. Lanaren aurkezpen publikoa eta defentsa Arrasateko Goi Eskola Politeknikoan egingo dira.

Egutegia

2022/10/17 - 2023/07/21

-

 

 

Irakasleak

Unibertsitateko irakasleak irakasgaien eta gradu-bukaerako lanen tutoretzaz arduratuko dira.

Koordinazioa

Ikastaroko koordinatzailea Mikel Iragi da.

 

Onarpen baldintzak eta prozesua

Industria Ingeniaritza Mekaniko Industrialeko Gradurako Egokitze Ikastaroaren prozesuak hiru fase ditu, ikastaroa hasi aurreko hilabeteetan egingo direnak (inskripzioa -–onarpena-–matrikula):

Eskatzen den titulazioa: Mekanikako Ingeniaritza Teknikoa

1. Inskripzioa

  • Aurreinskripzioa hemen. 
  • Izena emateko eta NAN/AIZ igotzeko esteka duen mezu elektroniko bat bidaliko dizugu
  • NAN/AIZ balioztatuko dugu, eta falta den dokumentazioa igo ahal izango duzu: NANa (bi aldeetatik), titulu ofizialaren kopia (bi aldeetatik), CVa, lan-bizitza, egindako ikasketen espediente akademiko ofiziala (nota ertainarekin), ikasketen amaiera, Karrera Amaierako Proiektuaren definizioa eta xehetasuna (Unibertsitateak ematen ez badu, dokumentu horrek helburuak jasoko ditu). Unibertsitateko tituluak eta egindako master ofizialak.
  • Izena emateko epea zabalik egonen da taldea bete arte.

2. Onarpena

Jasotako dokumentazioa ebaluatuko dugu. Onarpenean, inskripzio ordena hartuko da kontuan.

Onartzeko hiru fase eginen dira:

  • 1 fasea: 2022ko ekainaren 17a (ekainaren 9a baino lehen egindako inskripzio guztientzat)
  • 2. fasea: 2022ko uztailaren 22a (uztailaren 15a baino lehen egindako inskripzio guztientzat)
  • 3. fasea: 2022ko irailaren 30a (irailaren 23a baino lehen egindako inskripzio guztientzat).

3. Matrikula

Onartua izan eta gero, matrikula online egiten da unibertsitateak emandako estekatik. Matrikula masterraren lehen kuotaren ordainketarekin formalizatuko da.

Kredituen aitortza

Oinarrizko eta espezializazioko irakasgaien kredituak onartzeko aukera dago.

Horretarako, aurreko ikasketak eta egiaztatutako lan-esperientzia hartuko dira kontuan.

Kredituak onar diezazkioten eskatzeko, interesdunak eskaera egin behar du. Eskaerarekin batera, beharrezko agiriak eman beharko ditu: lan-bizitzaren dokumentua, ikasketa-espedientea, egindako ikasketen programa, enpresaren ziurtagiria...

Batzorde Akademikoak eskaerak aztertu eta bakoitzaren onarpen-maila zehaztuko du.

 

Kolaboratzaileak/ babesleak

Egokitzapen-ikastaroetan, Gipuzkoako Peritu eta Ingeniari Teknikoen Elkargo Ofizialak (COPITIG) eta Aragoiko Ingeniari Tekniko Industrialen Elkargo Ofizialak (COITIAR) laguntzen dute.

Prezioa

Ikasle ohien eta elkargoko kideen kasuan: 4.140€ (%10eko deskontua)

Prezio estandarra: 4.600€


Agian hauek ere interesatuko zaizkizu...

Online Altzairuen izendapena Ikastaroa
100 € Gaztelania - Online
20 ORDU
Leva-seguidor mekanismoak diseinatzea eta dimentsionatzea Ikastaroa
550 € Gaztelania - Aurrez aurrekoa
Arrasate-Mondragón / 16 ORDU
Aluminio-aleazioak: metalurgia eta aplikazioak (presentziala eta streaminga) Ikastaroa
260 € Gaztelania - Aurrez aurrekoa eta Online
Arrasate-Mondragón / 8 ORDU