Ikaskuntzaren kudeaketa enpresan Espezializazio Diploma (Chief Learning Officer-CLO)

Etorkizuneko lanbide batean prestatu zaitez, izan zaitez CLO-a, Chief Learning Officer-a.  Titulu honekin eskuratuko dituzu baliabideak zure erakundean berrikuntza eta ikaskuntza estrategiak aplikatzeko.

Gaia
Enpresa eta Erakundeen Zuzendaritza eta Kudeaketa
ECTS/orduak
750 ordu
Tokia
Bilbo
Hizkuntzak
Euskara eta gaztelania
Modalitatea
Erdi-presentziala

Helburuak

Tresna praktikoak eskaintzea abian jar ditzazun zure erakundean ikasteko eta berritzeko estrategiak.

Programa honen bidez eraldaketa eta etengabeko ikaskuntza prozesuak erraztu nahi ditugu erakundeetan; betiere, lortzeko erakunde berritzaile eta malguagoak gai izango direnak aldaketa prozesuak kudeatzeko.

Nori zuzendua

Ikastaro hau zuzenduta dago, alde batetik, berrikuntza, Giza Baliabide, talentu eta prestakuntza arloetako profesionalei eta hirugarren sektoreko startup eta erakundeetako ordezkariei. Bestetik,  lan ibilbidea aldatu nahi dutenei eta ikaskuntza eta berrikuntza erraztearen inguruko esperientzia eta metodologia berriak eskuratu nahi dituztenei.

Egitaraua

Programak 6 modulu biltzen ditu, online bidezkoak, eta aurrez aurreko beste 6 prestakuntza-saio, asteburuetan. Formatu horri esker, lanean ari diren pertsonek ere parte har dezakete programan.

  1. Proiektuen diseinua (4 ECTS). Modulu honetan, programaren barnean dituzun interes eta helburuei buruz hausnartuko duzu; hala, Chief Learning Officer (CLO) edukiak ikasteko lan-ildo koherente bat ezarriko duzu, zure lehen proiektu-prototipoaren sormen-prozesuaren eta beste proiektu batzuen lanaren bitartez
.
  2. Lifelong Learning (6 ECTS). Ikuspegi panoramiko bat erdietsiko duzu Lifelong Learning kontzeptuaren garapenari buruz, azken joeretaraino, hots, lifelong learning kindergarten ereduraino (bizitzan zehar sortuz ikastea). Sormenez pentsatzeko eta jarduteko ikaskuntza-esperientziak diseinatzeko eta garatzeko metodo eta tresna zehatzak ikasteaz gainera, ikaskuntza autosustatua edo ikaskuntza-ibilbide alternatiboak abian jartzea.
  3. Berrikuntzarako metodologiak (2 ECTS). Design Thinking metodologia baliatuko dugu ikaskuntza-prozesuetan, proiektutako lana (ABP) bideratzeko eta pertsonen pentsamendu analitiko eta sortzailea hobetzeko, parte-hartzea eta lankidetza hobetzen laguntzeko eta, batez ere, ziurgabetasuna lantzeko eta edozein berrikuntza-prozesu abiatzeak dakarren arriskuaren aurreko beldurra apaltzeko.
  4. Future Professionals Skills (6 ECTS). Sakonki ezagutuko dituzu etorkizun hurbilean eskaera handiena izango duten konpetentzia profesionalak, baita azaleratzen ari diren ingurune profesionalen testuinguruan zer eragin duten ere: Complexity Navigation, Cognitive Load Management, Sense-making, Creative Problem solving, Social Intelligence eta Adaptative Thinking. 
  5. Lantaldeak erraztea (6 ECTS). Lantaldean ikastea erraztearen arloko azken joeretan sakonduko duzu, teoriak eta praktikak analizatuz, baita rol eta funtzio berrietan ere, hala nola coaching-a edo mentoring-a. Horretaz gainera, talde-lana errazteko zenbait tresna bisual ezagutu eta erabiliko dituzu.

6. People analytics (6 ECTS). Bakarkako eta lantaldeetako gaitasunaketengabe hobetzeko eta ebaluatzeko datuak analizatzen ikasiko duzu. Esate baterako, nola aplikatu talentua hautemateko eta aukeratzeko prozesuetan, nola hobetu prestakuntza-planetako aldaketen gaineko erabakiak hartzea, edo nola definitu zure erakundeko kide bakoitzaren konpetentzia-premiak eta nola diseinatu karrera-garapenerako programak datuen analisitik abiatuta.

Metodologia

Metodologia aktiboa da, erdi-presentziala, hau da, online garatu beharreko elementuak eta aurrez aurreko saioak (ostiral eta larunbatetan) uztartzen ditu. Aurrez aurreko saioak workshop bidezkoak izango dira, eta laguntzaile erraztaile bat izango duzu prozesu guztian zehar.

Saio presentzialak Bilbon eta Madrilen egingo dira.

Irakasleak

  • Antonio Rodriguez de las Heras

  • Marta lago

  • Elisabeth Pastor

  • Irati Lekue

  • Ainara Artetxe

  • Agurtzane Martínez

  • Daniel Suarez

Koordinazioa

Edurne Galindez: 

Agurtzane Martinez: 

Beatriz Garcia: 

Irati Lekue: 

Antolamendua

Chief Learning Officer CLO Espezializazio Diploma antolatuta dago elkarlanean, TeamLabs  ikaskuntza laborategiarekin.

Plazak

20 toki.

Prezioa

Enpresa eta erakundeek %20ko deskontua izango dute erreferentziazko prezioan Masterra egingo duen bigarren ordezkaritik aurrera. Gainera, baliatu ahal izango dute Fundación Estatal para la Formación en el Empleok (FUNDAE) eskaintzen duen laguntza. Hiru kuotatan banatuko da ordainketa: matrikula egiterakoan, urtarrilean eta martxoan.

6.000 €

Informazio gehiago

Eunate Escandon

E-mail: 

Teléfono: 600 054 085